Hame Apna Woh Kehte Hain Mohabbat Ho To Aisi Ho

Hame Apna Woh Kehte Hain Mohabbat Ho To Aisi Ho Lyrics | Naat e Paak Lyrics

Hame Apna Woh kehte hain mohabbat ho to aisi ho

Hame Apna Woh kehte hain mohabbat ho to aisi ho
Hame Nazroñ mein rakhte hain inayat ho to aisi ho

Wo patthar maarene waloñ ko dete hain dua aksar
Koi laaye misaal aisi sharafat ho to aisi ho

Ishara jab wo farmayeñ to patthar bol uthte hain
Nabuwat ho to aisi ho, Risalat ho to aisi

Wahañ mujrim ko milti hain panaaheñ bhi jazaaeñ bhi
Madine mein jo lagti hai adaalat ho to aisi ho

Bana dete hain saa’il ko sikandar woh zamane ka
Karimi ho to aisi ho, sakhaawat ho to aisi ho

Muhammad ﷺ ki wilaadat per hue sabko a’taa Bete
Ise Milaad kahte hain, wiladat ho to aisi ho

Namaz-e-Asr ko qurbaan ker ke Un ke chahre per
Ali Maula ne batlaaya, ziyaarat ho tou aise ho

Hussain ibne Ali ne karbala mein ye kiya saabit
Rahe jaari jo neze per, tilaawat ho tou aise ho

Zameen o Aasmañ wale bhi aate haiñ ghulamana
Haqeeqat hai yahi Nasir, hukoomat ho to aisi ho