Woh BeMisaal Bheek, Shahe BeMisaal De Naat Sharif Lyrics in Hindi and English
Shayar: Khalid Mahmud ‘Khalid’
Woh BeMisaal Bheek, Shahe BeMisaal De
Jo Umr-Bhar Na Fursat e Arz e Sawaal De.
UsPar Zawaal Aa Nahiñ Sakta, Khuda Gawaah
Rahmat Jise Tumhari, Naveed e Visaal De
Ai Mehr e LaaZawaal, Raheem o Karam Khiswaal
Zarrah Huñ Mujhko Taabish e Badr e Kamaal De
Ai BeMisaal Tera Karam Bhi Hai BeMisaal
Hairaan Aayina Ho, Kuchh Aisa Jamaal De
Jab Maañgna Hai Tujh Se, To Maanguñga Is Tarah
Donoñ Jahaan Hi, Meri Jholi Meiñ Daal De
Ab Us Nazar Se Kya Na, Tawaqqo Rakhe Koi
BeJaan Pattharoñ Meiñ Bhi, Jo Jaan Daal De
Aisa Kareem Unke Siwa Aur Kaun Hai
Dil Se Zaruratoñ Ke Jo Kaañte Nikaal De
Tasweer Ban Sakooñ Tere Aqwaal-e Paak Ki
Seerat Nawaaz Mujhko Bhi Woh Khad o Khal De
Rahmatt Hai Jiski Aam, Baghair Imtiyaz Ke
Mumkin Nahiñ Ke Woh Kisi Saayil Ko Taal De
Us iltifaat e Khaas Ki, Hai Mujhko Aarzoo
Jo Zindagi Ko Aapki Seerat Meiñ Dhaal De
Khalid Ke Haq Me Izzat o Tauqeer Hai Yahi
Hassan Ka Khuloos De, Zauqe Bilaal De
- Comment में राय दीजिए
- Share कीजिए
Hindi And English lyrics
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ |Nazir Ejaz Faridi | Ghous Muhammad Nasir | Maulvi Ahmad Hasan |
Masha ALLAH…..sub hàan ALLAH