Noor e Khuda Hai Husn-e Saraapa Rasool Ka

Noor e Khuda Hai Husn e Saraapa Rasool Ka Lyrics

bemisl hai, kya shaukat e raanaayi hai!

khaaliq bhi fida khalq bhi shaidaayi hai
khaaliq ne mohabbat ke niraale rukh se
sarkar ke chehre ki qasam khaayi hai

sar se paa tak noor
unka sab gharaana noor ka
unki nasl e paak mein hai
bachcha bachcha noor ka

Noor-e Khuda Hai Husn-e Saraapa Rasool Ka ..

dono jahaañ ka noor Muhammad ﷺ ke roop meiñ
Allah ka zahoor Muhammad ﷺ ke roop mein

Noor-e Khuda Hai Husn-e Saraapa Rasool Ka ..

lab noor jabeen noor
dahan noor nazar noor

Noor-e Khuda Hai Husn-e Saraapa Rasool Ka ..

gesu ki chamak noor
amaame ki damak noor
hai khaak ka ghar khaak
magar noor ka ghar noor

Noor-e Khuda Hai Husn-e Saraapa Rasool Ka
Khud Hi Khuda e Paak Hai Shaida Rasool Ka

Allah ne paas bula hi liya
bin dekhe khuda bhi rah na saka

Khud Hi Khuda e Paak Hai Shaida Rasool Ka ..

takhleeq karke aapko allah ne kaha
mera habib meri tarah lajawaab hai

Khud Hi Khuda e Paak Hai Shaida Rasool Ka ..

Yeh Aasmaañ Yeh Chaañd Sitaare Unhi Se Haiñ
Jitne Haiñ Dilnasheen Nazaare Unhi Se Haiñ

Teesoñ Kalaam e Paak Ke Paare Unhi Se Hain
Takhleeq e Kayanaat Hai Sadqa Rasool Ka

Jab Kuch Nahi Tha Sirf Khuda Hi Ki Zaat Thi
Is Din Ka Tha Wajood Na Maujood Raat Thi

Jeene Ka Tazkara Tha Marne Ki Baat Thi
Us Waqt Bhi Tha Noor-e Mujalla Rasool Ka

Hazrat Umar Ki Dekhiye Taqdeer Yuñ Bani
Nikle The Qatl Karne Ki Neeyat Se Jis Ghadi

Talwaar Chhut Ke Haathoñ Se Qadmoñ Mein Gir Padi
Dekha Unhoñ Ne Jab Rukhe Zeiba Rasool Ka

Aati Hai Jab Yeh Baat Hamaare Khayaal Mein
Milta Nahi Hai Waaqaya Koi Misaal Mein

Kya Mo’ajiza Hua Tha Ke Teyees Saal Mein
Saare Jahaañ Ne Padh Liya Kalma Rasool Ka

Pal Bhar Mein Jaise Wo Bhi Koi Mo’ajiza Hua
Hairat Se Aasmaan Use Dekhta Raha

Saara Gharoor Qila’a-e Khaibar Ka Mit Gaya
Jab Murtaza Ko Mil Gaya Jhanda Rasool Ka

Aisi Misaal De Na Sakegi Yeh Kaayenaat
Jaañ Di Diya Na Dast Yazeedi Mein Apna Haath

Khud Bhi Hua Shaheed Bahattar Ke Saath Saath
Kitna Azeem Tha Wo Nawaasa Rasool Ka

sar daad na daad dast dar dast e yazeed
haqqa ke bina e la ilaah ast Hussain

Kitna Azeem Tha Wo Nawaasa Rasool Ka ..

Noore Khuda Hai Husn-e Saraapa Rasool Ka

Hindi And English lyrics

| Qawwali |