Ham ho gaye tumhare bahut sochne ke baad ghazal lyrics | Qawwali Lyrics
Ham Ho Gaye Tumhare Bahut Sochne Ke Baad
Ham ho gaye tumhare bahut sochne ke baad
Ab kis ko dekhna hai tumhe dekhne ke baad.
Nazareñ jidhar uthayiñ nazar aaye tum hi tum
Aayina ban gaya hoon tumhe dekhne baad
Duniya ke kul haseenoñ ko dekha ba nazre ghaur
Sab ko mera salam tumhe dekhne ke baad.
Sajda agar karooñga to kaafir kahenge log
Ye kaun sochta hai tumhe dekhne ke baad.
Ek waqiya guzra hai tumheñ dekhne ke baad
Allah mil gaya hai tumhe dekhne ke baad.
⬇️Master Ayaz Ali Qawwali Lyrics⬇️
Socha nahi achchha bura, dekha suna kuchh bhi nahin
Maanga khuda se raat din Tere siva kuchh bhi nahi.
Ik waqt hum ghareeb the baazare husn mein
Sarmaya daar ban gaye dil bechne ke baad.
Jannat tere baGhair jahannum se kam nahin
Duniya ko chhod dooñga tujhe chhodne ke baad.
Ham khud ko bhool baithe the mehfil mein der se
Tera khayal aaya ghazal chhedne ke baad.
Zakhmoñ ke phool dil ke taraazu mein tul gaye
Ab kis ko tolna hai tujhe tolne ke baad.
Kawish khuda ke fazl se wahshat pasand hai
Ab kisko poojna hai tujhe poojne ke baad.