Aaiye Mola as Lyrics | Irfan Haider
Ya Molana Ya Sahib-al-Jamal
Almas Almas adrikni
Ya Sahib-al-Jamal
Wasta Hai Shaam Wali Shahzadi Ka – Aayiye Mola
Aapke Hain Saath Hamko Karbala Jana –
Aayiye Mola
Wasta Hai Shaam Wali Shahzadi Ka – Aayiye Mola
Sunnat e Sajjad Aur Zainab Ada Karte Huye
Jayenge Paidal Najaf Se Karbala Chalte Huye
Bas Yehi Arman e Dil Hai Har Hussaini Ka –
Aayiye Mola
Wasta Hai Shaam Wali Shahzadi Ka – Aayiye Mola
Sar Khule Jisko Phiraya Shaam Ke Bazar Me
Haye Wo Jisko Bulaya Be Rida Darbar Me
Han Usi Zainab Ka Naukar Lijiye Pursa –
Aayiye Mola
Wasta Hai Shaam Wali Shahzadi Ka – Aayiye Mola
Intizar Ab Bhi Wo Karti Hai Ke Akbar Aayenge
Aur Mujhe Bhi Saath Apne Karbala Le jayenge
Khatm Ho Ab Intezar e Fatima Sughra –
Aayiye Mola
Wasta Hai Shaam Wali Shahzadi Ka – Aayiye Mola
Aapko Us Chhe(6) Mahine Ke Sipahi Ki Qasam
Muskura kar Jisne Khaya Halq Par Teer e Sitam
Chahiye Phir Deen Ko Be Sheer Ka Sadqa –
Aayiye Mola
Wasta Hai Shaam Wali Shahzadi Ka – Aayiye Mola
Al Ajal, Al Ajal
Al Ajal, Al Ajal
Mola..
Aa Bhi Jaa Parda e Ghaibat Se Zamane Ke Imam
Tujhse Mimber Pe Tere Jad Ki Kahani Sun Len
Ham Azadaroñ Ki Bas Aakhiri Hasrat Hai Yehi
Nauha Zehra Ka, Bas Ik Teri Zubani Sun Len
Ghar Jalaya Dar Giraya Pasliyan Zakhmi Huiñ
Ho Gaye Mohsin Shaheed Aur Ghamzada Bibi Huiñ
Dushman e Zahra Se Aa kar Lijye Badla –
Aayiye Mola
Wasta Hai Shaam Wali Shahzadi Ka – Aayiye Mola
Al Ajal, Al Ajal
Al Ajal, Al Ajal
Aapko Us Chaar-Sala Syeda Ka Wasta
Jiske Kaano Se Chhine Gauhar Lahu Behta Raha
Kam Na Hoga Aapke Bin Gham Sakina Ka –
Aayiye Mola
Wasta Hai Shaam Wali Shahzadi Ka – Aayiye Mola
Aaj Bhi Hai Qabr e Zehra Dhoop Me Tooti Hui
Hai Dua Zeeshan o Irfan e Aza Lab Par Yehi
Kijiye Tameer Aa Kar Rouza e Zehra –
Aayiye Mola
Wasta Hai Shaam Wali Shahzadi Ka – Aayiye Mola
Nauha Khwan: Irfan Haider
Poet: Zeeshan Abidi
Our Pages
Manqabat Shahidan e Karbala Nohey Lyrics
Manqabat Imam Hussain As Lyrics
Manqabat Bibi Sakina Sa Lyrics
Manqabat Bibi Fatima Sa Lyrics
Noha Khwan