یا رحمت اللعالمین نعتِ رسولِ مقبول ﷺ
شاعر : مظفر وارثی
یا رحمت اللعالمیں
یا رحمت اللعالمیں
الہام جامہ ہے ترا
قرآں عمامہ ہے ترا
منبر ترا عرش بریں
یا رحمت اللعالمیں
آئینۂ رحمت بدن
سانسیں چراغ علم و فن
قرب الٰہی تیرا گھر
الفقر فخری تیرا دھن
خوشبو تری جوئے کرم
آنکھیں تری باب حرم
نور ازل تری جبیں
یا رحمت اللعالمیں
تیری خموشی بھی اذاں
نیندیں بھی تیری رت جگے
تیری حیات پاک کا
ہر لمحہ پیغمبر لگے
خیر البشر رتبہ ترا
آواز حق خطبہ ترا
آفاق تیرے سامعیں
یا رحمت اللعالمیں
قبضہ تری پرچھائیں کا
بینائی پر ادراک پر
پیروں کی جنبش خاک پر
اور آہٹیں افلاک پر
گرد سفر تاروں کی ضو
مرکب براق تیز رو
سائیس جبریل امیں
یا رحمت اللعالمین
تو آفتاب غار بھی
تو پرچم یلغار بھی
عجز و وفا بھی پیار بھی
شہ زور بھی سالار بھی
تری زرہ فتح و ظفر
صدق و صفا تری سپر
تیغ و تبر صبر و یقیں
یا رحمت اللعالمین
پھر گدڑیوں کو لعل دے
جاں پتھروں میں ڈال دے
حاوی ہوں مستقبل پہ ہم
ماضی سا ہم کو حال دے
دعویٰ ہے تیری چاہ کا
اس امت گمراہ کا
تیرے سوا کوئی نہیں
یا رحمت اللعالمین
- Comment में राय दीजिए
- Share कीजिए
Hindi And English lyrics
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ |Nazir Ejaz Faridi | Ghous Muhammad Nasir | Maulvi Ahmad Hasan |
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan