مہینہ محرم دا ہر سال آوے ہزاراں مصائب دے عنوان لے کے mahina moharram da har saal aawe lyrics in urdu. Manqabat Imam e Hussain a.s | Noha
کلام : صائم چشتی
Read in English/ Roman
مہینہ محرم دا
مہینہ محرم دا ہر سال آوے
ہزاراں مصائب دے عنوان لے کے
کھلو تا اے تیراں تے تیغاں دی زَد وچہ
نواسہ محمد ﷺ دا قرآن لے کے
مخالف دے تیراں دی بارش دے اندر
نبی دے نواسے نے اعلان کیتا
مِری ظالمو پاک نسبت تے دیکھو
میں آیا ہاں نانے دا فرمان لے کے
کلیجے تھیں لا لاش اصغر دی سیّد
جے کیتی تے گل بات اپنی سی کیتی
سواۓ جہنم دے ہتھ کی جے آیا
مِرے ننھے معصوم دی جان لے کے
ایہہ زینب یا ربّ جلی جاندا اے
نبی جان دا یا علی جان دا اے
ٹری کربلا چوں سی بیٹی علی دی
جو سینے چہ درداں دا طوفان لے کے
جِہدا خون وچہ وِیر ڈُبّا پیاسی
اوہ دیندی مدینے دے وچہ ایہہ صدا سی
مِرے ویر آجا اُڈیکا ہاں کردی
میں شادی تساڈی دا سامان لے کے
سی میدان وچہ پیر شبیر کہندے
میں لکھ وار ہاں جان نو وار سکدا
میں جانِ نبی ہاں کوئی میرے کولوں
دیکھاوے سہی ہاشمی شان لے کے
حسینی ہاں صائم حسینی رہواں گے
تے باتل نوازاں نوں ہر تھا کہواں گے
جو ایمان دی جان دے ہین قاتل
کِویں ایتھوں جاون گے ایمان لے کے
مہینہ محرم دا ہر سال آوے
ہزاراں مصائب دے عنوان لے کے
کھلو تا اے تیراں تے تیغاں دی زَد وچہ
نواسہ محمد ﷺ دا قرآن لے کے
mahina-moharram-da-har-saal-aawe-lyrics-in-urdu
Urdu, Hindi and English Lyrics
| Naat-E-Paak|
| Khalid Mahmud ‘Khalid’ | Saim Chishti | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ | Ghous Muhammad Nasir | Maulvi Ahmad Hasan |