Sajdey – Part 2 Lyrics | Shaz Khan Sohel Moten

By / Best Nasheed Lyrics

Sajdey – Part 2 Lyrics | Shaz Khan Sohel Moten

 

Allah… Allah…
Allah Allah-Allah
Allah Allah-Allah
Allah Allah-Allah
Allah Allah-Allah

 

Hawa Ki Azanoñ Pe Lahroñ Ke Sajde
Sahar Iqamat Pe Zarroñ Ke Sajde

 

Shajar Ki Tilawat Pe Pattoñ Ke Sajde
Nadi Ki Kira’at, Parindoñ Ke Sajde

 

Azal Se Falak Par Sitaroñ Ke Sajde
Ye Shamoñ Ke Sajde Nihaaroñ Ke Sajde

 

Chaman Ke Musalle Baharoñ Ke Sajde
Samandar Ki Chadar Pe Dharoñ Ke Sajde

 

Safeñ Dar-Safeñ Fasl-Poudoñ Ke Sajde
Wo Phooloñ Pe Shabnam Ke Qatroñ Ke Sajde

 

Ke Dariya Me Machhli Ke Ghotoñ Ke Sajde
Zamiñ Par Ye Barish Ki Booñdo Ke Sajde

 

Jo Jharne Utarte Haiñ Karte Haiñ Sajde
Jo Mausam Nikharte Hain Karte Haiñ Sajde

 

Nazare Sañwarte Haiñ Karte Hain Sajde
Ye Pal Jo Guzarte Hain, Karte Hain Sajde

 

Jo Momin Hain Hote Hain Sajdoñ Ke Ghazi
Falak Dekhta Hai Zamiñ Ke Namazi
Falak Dekhta Hai Zamiñ Ke Namazi.

Allah Allah-Allah
Allah Allah-Allah
Allah Allah-Allah
Allah Allah-Allah

 

Khudara ‘Ata Kar Mahekdar Sajde
Subah Wali Khushboo Ke Gulzar Sajde

 

Bahot Khubsurat Chamakdar Sajde
Tadapti Fughañ Ke Talabgar Sajde

 

Ke Dil Khud Kahe Chal Bulate Haiñ Sajde
Meri Rooh Me Muskurate Haiñ Sajde

 

Mohabbat Se Seena Sajate Haiñ Sajde
Khayaloñ Ko Roushan Banate Haiñ Sajde

 

Yaqinan Ujala Hai Millat Ke Sajde
Bahen Sar Jhukaye To Nemat Ke Sajde

 

Ke Beti Ke Sajde Hain Barkat Ke Sajde
Ke Maa Sar Jhukaye To Rahmat Ke Sajde

 

Ke Maathe Ki Taz’iin Hote Hain Sajde
Jawano Ke Shaheen Hote Hain Sajde

 

Buzurgoñ Ki Taskeen Hote Hain Sajde
Ke Bachchoñ Ki Talkeen Hote Hain Sajde

 

Jo Momin Hain Hote Hain Sajdon Ke Ghazi
Falak Dekhta Hai Zamiñ Ke Namazi
Falak Dekhta Hai Zamiñ Ke Namazi.

 

Allah Allah-Allah
Allah Allah-Allah
Allah Allah-Allah
Allah Allah-Allah

 

Khuda Mujhme Kar De Wo Bedar Sajde
Wo Ashkoñ Me Doobe Huye Chaar Sajde

 

Wazahdar Sajde, Razakar Sajde
Wo Andar Ke Taqwe Se sarshaar Sajde

 

Sahaba Ke Andaz Wale Wo Sajde
Sar e Arsh Parvaaz Wale Wo Sajde

 

Jo Raazi Kareñ Naaz Wale Wo Sajde
Tera Dhyan o Damsaaz Wale Wo Sajde

 

Jama’at Ke Sajde, Hidayat Ke Sajde
Andheroñ Me Tanha Faraghat Ke Sajde

 

Teri Chaah Me Dhun Ki Haalat ke Sajde
Faqat Teri Chahat Ke Hasrat Ke Sajde

 

Mohabbat Ke Sajde, Ita’at Ke Sajde
Tere Shukr Wale, Shahadat Ka Sajde

 

Teri Bandagi Ki Himayat Ke Sajde
‘Ata Kar Khudara Sadaqat Ke Sajde

 

Jo Momin Hain Hote Hain Sajdoñ Ke Ghazi
Falak Dekhta Hai Zamiñ Ke Namazi
Falak Dekhta Hai Zamiñ Ke Namazi.

 

Allah Allah-Allah
Allah Allah-Allah
Allah Allah-Allah
Allah Allah-Allah

 

Our Pages

Hamd-E-Baari-T’aala 

Naat-E-Paak         

Rabiul Awwal Mutalliq Kalam

Manqabat Ghaus e Azam

Manqabat Ghareeb Nawaaz

Shayar

Naat Khwan:

         Qawwali