Mere Khwaja Maharaja Tu To Saare Jagat Ka Raaja Lyrics
Qawwal: Iqbal Afzal Sabri
Saayil Khade Hue Haiñ Inheñ De Ke Taal De
In Sab Ko De Ke Phir Meri Jholi Meiñ Daal De.
Jhoom Rahe Haiñ Mast Qalandar
Jhoom Rahe Haiñ Mast Qalandar
Kahte Haiñ Jaali Ko Pakad Kar
Mohan Mukh Ki Chhab Dikhla De
Aaj To Soye Bhag Jaga De
Bheed Lagi Hai Deewanon Ki
Ek Jhalak Dikhla Ja,
Mere Khwaja Maharaja
Tu To Saare Jagat Ka Raaja
Mere Khwaja Maharaja
Tu To Saare Jagat Ka Raaja …
Ikhtiyar Aur Koi Raah Guzar Kyuñ Karta
Maiñ Kisi Aur Taraf Azm-e Safar Kyuñ Karta
Jazba-e Ishq Ko Mahroom-e Asar Kyuñ Karta
Haal Ki Apne Zamaane Ko Khabar Kyuñ Karta
Mere Khwaja Maharaja
Tu To Saare Jagat Ka Raaja…
(Tarana)
Mere Khuwaja Maharaja
Tu To Saare Jagat Ka Raaja…
(Raaga)
Mere Khuwaja Maharaja
Tu To Saare Jagat Ka Raaja…
Haajateñ Le Ke Jo Is Dar Pe Chale Aate Haiñ
Jholiyañ Apni Muraadoñ Se Bhari Paate Haiñ
Khwaja Mañgtoñ Se Taghaaful Nahiñ Farmaate Haiñ
Sar Yahañ Fard-e Aqeedat Se Jhuke Jaate Haiñ
Mere Khwaja Maharaja
Tu To Saare Jagat Ka Raaja…
Mere Khuwaja Maharaja
Tu To Saare Jagat Ka Raaja…
Khwaja Qutbuddeen Ko Azmat Bakhshi Hai
Ganj-e Shakar Ko Shaan-e Sakhawat Bakhshi Hai
Khwaja Nizamuddin Ko Bakhsi Mahboobi
Aur Sabir Ko Sabr Ki Daulat Bakhshi Hai
Mere Khwaja Maharaja
Tu To Saare Jagat Ka Raaja…
(Tarana)
Mere Khuwaja Maharaja
Tu To Saare Jagat Ka Raaja…
Khwaja Qutbuddeen Ko Azmat Bakhshi Hai
Ganj-e Shakar Ko Shaan-e Sakhawat Bakhshi Hai
Khwaja Nizamuddin Ko Bakhsi Mahboobi
Aur Sabir Ko Sabr Ki Daulat Bakhshi Hai
Faiz o Karam Khwaja Ka Har Dam Jaari Hai
Haal Tujhe Kahne Meiñ Kya Dushwaari Hai
Ro Ro Kar Tu Khwaja Se Fariyad To Kar
Aage Sab Khwaja Ki Zimmedari Hai
Mere Khwaja Maharaja
Tu To Saare Jagat Ka Raaja…
Mehdi Laga Le Baañdh Le Kañgna
Aaye Qutab Haiñ Tore Añgna.
Noor Ki Baarish Hoti Hai Din-Raat Yahañ
Shaam-Sahar Hai Rahmat Ki Barsaat Yahañ
Khwaja Ki Chaukhat To Aisi Chaukhat Hai
Ban Jaati Hai Bigdi Hui Har Baat Yahañ
Mere Khuwaja Maharaja
Tu To Saare Jagat Ka Raaja…
Khwaja Ka Darbar Hai Khwaja Sabka Hai
Sabka Beda Paar Hai Khwaja Sabka Hai
Lutf o Karam Ki BaTti Hai Khairaat Yahañ
Be Haq Bhi Haqdar Hai Khwaja Sab Ka Hai
Mere Khwaja Maharaja
Tu To Saare Jagat Ka Raaja…
Khalq Khadi Hai Khwaja Ke Darbaaze Par
Bheed Lagi Hai Khwaja Ke Darbaaze Par
Duniya Bhar Ke Saare Haajat Mandoñ Ki
Baat Bani Hai Khwaja Ke Darbaaze Par
Mere Khwaja Maharaja
Tu To Saare Jagat Ka Raaja…
Khwaja Ka Darbar Hai Khwaja Sabka Hai
Khwaja Ka Darbar Hai, Ye To
Khwaja Ka Darbar Hai, Ye To..
Parde Uthe Hue Bhi Haiñ
Unki Nazar Idhar Bhi Hai
Badh Ke Muqaddar Aazma
Sar Bhi Hai Sang-e Dar Bhi Hai
Ye To, Khwaja Ka Darbar Hai ..
Ye To, Khwaja Ka Darbar Hai ..
Kyuñ Taraste Ho Khwaja Ke Deedar Ko
Haal Apna Sunaao Na Sarkaar Ko
Inke Kooche Ki Azmat Ka Kya Poochhna
Rahmateñ Dhooñdhti Hai Gunahgar Ko
Ye To, Khwaja Ka Darbar Hai ..
Ye To, Khwaja Ka Darbar Hai ..
Tere MaiKhwaar Khwaja Ye Sabr o Raza
Is Tarah Haamil e Bekhudi Ho Gaye
Ibtada Jab Hui To Qalandar Bane
Intaha Yuñ Hui Boo-Ali Ho Gaye
Marhaba Marhaba Dard e Ishq e Nabi
Tere Deewaano Ki Har Taraf Jeet Hai
Tere Adna Ghulamoñ Ke Darbar Meiñ
Chor Chori Ko Aaye Aur Wali Ho Gaye
Ye To, Khwaja Ka Darbar Hai ..
Ye To, Khwaja Ka Darbar Hai ..
Mere Khuwaja Maharaja
Tu To Saare Jagat Ka Raaja…
Khwaja Ka Darbar Hai Khwaja Sabka Hai
Sabka Beda Paar Hai Khwaja Sabka Hai.
Haazir Ho Kar Apna Areeza Pesh To Kar
Fikr Teri Bekaar Hai Khwaja Sabka Hai.
Naadaaroñ Par, Sardaroñ Se Pahle Karam
Ye Aisa Darbaar Hai, Khwaja Sabka Hai.
Hindu, Muslim, Sikh, Isaayi Koi Bhi Ho
Sabka Paalanhaar Hai Khwaja Sabka Hai.
Poori Sabke Dil Ki Muraadeñ Hoti Haiñ
Usmaani Dildar Hai Khwaja Sabka Hai.
Dhadkan Dhadkan Khwaja Khwaja RatTi Hai
Har Su Jai Jai Kaar Hai, Khwaja Sabka Hai.
Mere Khwaja Maharaja
Tu To Saare Jagat Ka Raaja …
(Maine arz kiya:)
Dua Bhi Meri Be Asar Ho Gayi Hai
Khuda Ke Liye Ek Nigah E Karam Ho
Sada Dete Dete Sahar Ho Gayi Hai
Dukh Zadonñ Ke Maseeha Mujhe Bheek De
Mera Daaman Hai Khaali Mujhe Bheek De
(To sadaa aayi:)
Tujh Ko Lena Na Aaye To Kya Bheek Deñ
Hum Haiñ Dene Ko Tayyar, Aa Bheek Le
Mere Khuwaja Maharaja
Tu To Saare Jagat Ka Raaja..
Unki Nazar Meiñ Chhote Bade Ka Farq Nahiñ
Ye Sab Ko Iqraar Hai, Khwaja Sabka Hai
Saahil Apni Bakhshish Ka Gham Rahne De
Khwaja Zimmedar Hai, Khwaja Sabka Hai
Mere Khwaja Maharaja
Tu to Saare Jagat Ka Raaja..
Mere Khwaja Maharaja
Tu To Saare Jagat Ka Raaja..
- Comment में राय दीजिए
- Share कीजिए
Hindi And English lyrics
Our Pages
Manqabat Shahidan e Karbala | Nohay Lyrics|