BaJuz Tumhare Kahuñ kis Se Ya Ghareeb Nawaz Lyrics
Qawwal : Aslam Sabri
Kalaam : Hazrat Bedam Shah Warsi r.a.
Jo Dono Jahañ Meiñ Hamara Bharam Hai
Wo Khwaja Tumhari Nigaah-e Karam Hai
Ilaahi Na Chhote Ye Daamaan-e Rahmat
Ye Jab Se Mila Hai Karam Hi Karam Hai.
Ba Juz Tumhare Kahuñ Kis Se Ya Ghareeb Nawaz
Suno Meri Mere Mushkil Kusha Ghareeb Nawaz.
Tumhare Daaman-e A’ali Ne Haath Aate Hi
Badha Diya Hai Mera Hausla Ghareeb Nawaz.
Kahañ Talak Phire Dar Dar Ki Thokreñ Khaata
Tumhare Dar Ka Tumhara Gada Ghareeb Nawaz.
Suni Hai Aap Ki Banda Nawaaziyoñ Ki Dhoom
Kabhi Idhar Bhi Nigaah-e A’taa Ghareeb Nawaz.
Tumhara Huñ Maiñ, Tumhi Se Hai Iltija Meri
Tumhare Hote Kahuñ Kis Se Ya Ghareeb Nawaz.
Lahad Meiñ, Roz-e Qayamat Meiñ, Deen o Duniya Meiñ
Tumhare Naam Ka Hai Aasra Ghareeb Nawaz.
Tumhare Dar Ki Gagaayi Hai Aabru Meri
Tumhari Deed Mera Mudda’aa Ghareeb Nawaz.
Muyeen-e Deen o A’taae Rasool o Waali-e Hind
Ameer Khwaja-e GulGooñ Qabaa Ghareeb Nawaz.
Ziyaa-e Majlis-e Irfañ, Nigaar-e Aalam-e Quds
Fizaa-e Murshan-e Inni Anaa Ghareeb Nawaz.
Kuchh Apne Bedam-e Khasta Ko Bhi A’taa Keeje
Sakhi Hai Aapki Sarkar Ya Ghareeb Nawaz.
- Comment में राय दीजिए
- Share कीजिए
Hindi And English lyrics
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ | Ghous Muhammad Nasir
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan