Chhati Aaj Hai Mere Khwaja Piya Ki Lyrics

Chhati Aaj Hai Mere Khwaja Piya Ki Lyrics

Qawwal : Iqbal Afzal Sabri

 

हिन्दी लिरिक्स

Mañgte Khade Hue Haiñ Ghareeb-un-Nawaaz Ke
Parde Uthe Hue Haiñ Niyaaz Aur Naaz Ke.

 

Mahboob-e Kirdigaar Hai Jo Chaahe Maañg Lo
Ye Chisht Ki Bahar Hai Jo Chaahe Maañg Lo.

 

Chhati Aaj Hai Mere Khwaja Piya Ki

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai ..

 

Chhati Ka Jashn-e Paak Hai
Rasool-e Paak Aaye Haiñ

Malaayeqa Bhi Saath Haiñ
Sahaabiyoñ Ko Laaye Haiñ

Hasan Husain Fatma Bhi
Anjuman Sajaaye Haiñ

Ye Aisa Waisa Ghar Nahiñ
Ali Ke Ghar Mein Aaye Haiñ

 

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai ..

 

Chaar Disha Meiñ Dhoom Machi Hai
Khwaja Piya Ki Aaj Chhati Hai

Phool Husaini Baagh Se Aaye
Ghaus-ul-Aazam Ne Mañgwaaye

Khwaja Usmañ Gooñdh Ke Laaye
Khwaja Qutab Haiñ Jhanda Uthaaye

Baaba Fareed Bhi Wajd Meiñ Aaye
Nizamuddin Aur Sabir Gaayeñ.

 

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai ..

 

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai

Mohammad ﷺ Ka Sadqa Lutaate Haiñ Khwaja
Zamaane Ki Jholi Bhari Jaa Rahi Hai..

 

Koi Tum Sa Nazar Nahi Aata
Warna Kya Kya Nazar Nahi Aata
Jholiyañ Sabki Bharti Jaati Haiñ
Dene Wala Nazar Nahi Aata.

 

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai ..

 

Ye Khwaja Ki Galiyoñ Ka Pur Kaif Manzar
Madine Ki Khushbu Mo’attar Mo’attar
Tere Dhaule Gumbad Pe Ajmeri Khwaja
Haram Ki Tajalli Nazar Aa Rahi Hai.

 

Ye Shaan-e Sakhawat Ye Andaaz Tere
Ye Noorani Manzar Sawere Sawere
Jhuka Kar Jabeeñ Teri Chaukhat Pe Khwaja
Mujhe Kamli Waale Ki Yaad Aa Rahi Hai.

 

Ya Ghareeb Nawaz,
Deedar Ke Qaabil To Kahañ Meri Nazar Hai
Ye Teri Inaayat Hai Ke Rukh Tera Idhar Hai

Kya Tujh Pe Tasadduq Karuñ Kya Paas Hai Mere
Qurbaan Tere Qadmoñ Pe Mauhtaj Ka Sar Hai

Ut’thega Na Sar Dar Se Tere Taa Ba Qayamat
Ye Sar Sar-e Zahid Nahiñ Saudaayi Ka Sar Hai.

 

Jhuka Kar Jabeeñ Teri Chaukhat Pe Khwaja
Mujhe Kamli Waale Ki Yaad Aa Rahi Hai …

 

Hai Bughz o Hasad Jinke Seenoñ Ke Andar
Kareñ Sajda Rezi Wo Khwaja Ke Dar Par
Yahiñ Sard Hoñge Ta’assub Ke Shole
Madine Se Thandi Hawa Aa Rahi Hai.

 

Faqeeroñ Ka Maslak To Wo Aayina Hai
Bata Dega Khud Kaun Khota Khara Hai
Are Waaiz-e Khushk Is Aayine Meiñ
Tujhe Apni Soorat Nazar Aa Rahi Hai.

 

Jo Khwaja Ne Raaz-e Haqeeqat Ko Khola
To Qadmoñ Pe Gir Kar Ke Jaipaal Bola.

 

Jo Khwaja Ne Raaz-e Haqeeqat Ko Khola
Ye Khwaja Ne Raaz-e Haqeeqat Ko Khola

 

Mohammad ﷺ Ki Ghulami Deen-e Haq Ki Shart-e Awwal Hai
Isi Meiñ Hai Agar Khaami To Sab Kuchh Naa Mukammal Hai

 

Mohammad ﷺ Ki Ghulami Ki Sanad Jis Ko Bhi Haasil Hai
Koi Mauj-e Alam Us Se Kabhi Takra Nahi Sakti

Farishte To Farishte Khud Khudaa-e Paak Kahta Hai
Mohammad ﷺ Ke Ghulamoñ Par Museebat Aa Nahi Sakti.

 

Jo Khwaja Ne Raaz-e Haqeeqat Ko Khola
To Qadmoñ Pe Gir Kar Ke Jaipaal Bola
Khuda Ke Liye Apni Nazroñ Ko Roko
Mere Dil Ki Duniya Luti Ja Rahi Hai.

 

Ummeedoñ Ka Daaman Muraadoñ Se Bhar Do
Karam Ki Nazar Soo-e Iqbal Kar Do
Tufail-e Mohammad ﷺ Nigaahe Karam Ho
Ye Duniya Sitam Par Sitam Dhaa Rahi Hai.

 

Chhati Aaj Hai Mere Khwaja Piya Ki
Karam Hi Karam Ki Ghata Chha Rahi Hai
Mohammad ﷺ Ka Sadqa Lutaate Haiñ Khwaja
Zamaane Ki Jholi Bhari Jaa Rahi Hai

 

Mohammad ﷺ Ka Sadqa Lutaate Haiñ Khwaja
Zamaane Ki Jholi Bhari Jaa Rahi Hai

 

Mohammad ﷺ Ka Sadqa Lutaate Haiñ Khwaja
Zamaane Ki Jholi Bhari Jaa Rahi Hai ….

More Manqabat Ghareeb Nawaz

  • Comment में राय दीजिए
  • Share कीजिए

Hindi And English lyrics

Qawwali |

Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ Ghous Muhammad Nasir

Naat-E-Paak|

Khalid Mahmud ‘Khalid’ Ajmal Sultanpuri Naat  | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan

Leave a Comment

Your email address will not be published. Required fields are marked *