Khuda Nighedaar Ya Ali Noha Lyrics | Ayam e Fatmiya 2023

By / Noha

Khuda Nighedaar Ya Ali Noha Lyrics | Ayam e Fatima Noha

Haye..
Wawaila.. Wawaila
Wawaila.. Sayeda Wawaila ×2
Mazlooma.. Sayeda Mahrooma ×2

 

Haye Tha Chehra Zakhmi, Shikasta Pahlu
Ajab Qayamat Ki Wo Ghadi Thi
Nabi Ki Beti Dam-e-Wasiyat
Ali Se Jab Ro Ke Kah Rahi Thi

Khuda Nighehdaar Ya Ali
Khuda Nigehban Ya Ali.

 

Ae Mere Mola, Chhor Ke Tanha
Jaati Hai Ab Dukhtar-e-Nabi

Khuda Nighehdaar Ya Ali
Khuda Nigehban Ya Ali.

 

Gham Tumhara Sayyada Ke Saath Jayega
Qabr Me Tumhara Gham Mujhe Rulayega
Pursa Dene Bhi Tumhe Koi Na Aayega

Haye..
Shahar-e-Madina, Ghut Ke Hai Jeena
Haye Ali Bekasi Teri….
Khuda Nigehban Ya Ali

Khuda Nighehdaar Ya Ali
Khuda Nigehban Ya Ali.

 

Haye Ek Wo Din Tha Main Dulhan Ban Ke Aayi Thi
Aap Ke Ghar Ne Meri Izzat Badhayi Thi
Mil ke Mere Saath Ye Basti Basayi Thi

Shaam Se Pahle Aapke Ghar Se
Fatima Khuda Ke Ghar Chali

Khuda Nighehdaar Ya Ali
Khuda Nigehban Ya Ali.

 

Dushman-e-Abu-Turab Haiñ Yahañ Tamaam
Tum Pe Aañch Aayegi Phir Bhi Na Ae Imam
Fatima Ne Kar Diya Hai Aisa Intezaam

Haye! Chand Se Bete, Sadqe Tumhare
Ab Yehi Hai Jholi Me Meri

Khuda Nighehdaar Ya Ali
Khuda Nigehban Ya Ali.

 

Baba Aaye The Abhi Dubara Aayeñge
Kah Rahe The Kalma-go Na Ab Satayeñge
Fatima Tumhe Ham Aaj Leke Jayenge

Wada Kiya Tha Baba Ne Jiska
Aa Gayi Hai Ab Wohi Ghadi

Khuda Nighehdaar Ya Ali
Khuda Nigehban Ya Ali.

 

Aas Se Haiñ Dekhte Mujhe Wo Bar-Bar
Haye! Kar Liya Hussain Aur Hasan Ko Maine Pyar
Maut Kar Rahi Hai Fatima Ka Intezar

Maa Ko Tadapte Dekhen Na Bachhe
Saañseñ Chal Rahi Haiñ Aakhiri
Khuda Nigehban Ya Ali

Khuda Nighehdaar Ya Ali
Khuda Nigehban Ya Ali.

 

Ummat-e-Nabi Ne Mera Haal Ye Kiya
Jalta Dar Batool Par Gira Diya Gaya
Taziyana Bhi Laga Hai, Haath Bhi Utha
Pahlu Shikshta, Baazu Shiksta
Fatima To Zakhm Ban Gayi

Khuda Nighehdaar Ya Ali
Khuda Nigehban Ya Ali.

 

Haye! Zakhm Dekh Kar Mere Abhi Se Hain Nidhaal
Maa Ke Gham Me Ho Gaya Hai Unka Ghair Haal
Baad Mere Betiyoñ Ka Rakhna Tum Khayal

Zainab-o-Kulsoom Hain Abhi Masoom
Raah-e-Shaam Door Hai Abhi

Khuda Nighehdaar Ya Ali
Khuda Nigehban Ya Ali.

 

Fatima Pe Ho Gayi Sitam Ki Inteha
Haye! Aap Se Chhupayi Hai Maine Har Jafa
Haye! Ghurbatoñ Ka Hai Meri Gawah Mujtaba

Arey! Kaise Batauñ, Kaise Sunauñ
Fatima Kahañ Kahañ Giri…
Khuda Nigehban Ya Ali

Khuda Nighehdaar Ya Ali
Khuda Nigehban Ya Ali.

 

Haye! Dukhtar-e-Nabi Ko Qabr Me Utaar Kar
Roye Murtaza Ali Takallum Is Qadar
Ho Gayi Tamaam Qabr Aansuon Se Tar

Haye! Uth Ke Qabr Se Jab Ali Chale
Thi Yehi Sada Batool Ki

Khuda Nighehdaar Ya Ali
Khuda Nigehban Ya Ali.

Wawaila.. Sayeda Wawaila..

Noha Khwan: Mir Hasan Mir
Poetry: Janab Mir Takallum

Manqabat Fatima Zahra Lyrics