Hua Sare Jahan Mein Bol Bala Ghous-e-Aazam Ka Lyrics in Urdu and English | ہُوا سارے جہاں میں بول بالا غوثِ اعظمؒ کا
Kalam e Peer Naseer R.a

Hua Sare Jahan Mein Bol Bala Ghous-e-Aazam Ka

ہُوا سارے جہاں میں بول بالا غوثِ اعظمؒ کا
حقیقت تو یہ ہے رُتبہ ہے اعلٰی غوثِ اعظمؒ کا
Hua Sare Jahan Mein Bol Bala Ghous-e-Aazam Ka
Haqiqat To Ye Hai Rutba Hai A’ala Ghous-e-Aazam Ka.

شریعت کے گُلستاں میں، طریقت کے دبستاں میں
جدھر دیکھو، اُجالا ہی اُجالا غوثِ اعظمؒ کا
Sharee’at Ke Gulistañ Meiñ, Tareeqat Ke Dabistañ Meiñ
Jidher Dekho, Ujala Hi Ujala Ghous-e-Aazam Ka.

رُموزِ معرفت سب منکشَف ہو جائیں گے اُس پر
پڑھے گا جو تصوّف پر مقالا غوثِ اعظمؒ کا
Zamoore M’aarifat Sab Munkashaf Ho Jayeñge Us Par
Padhega Jo Tasawwuf Par Maqaala Ghous-e-Aazam Ka.

اُسے ہر شَے پہ غلبہ کیوں نہ ہو ساری خدائی میں
سکندر ہے، وظیفہ پڑھنے والا غوثِ اعظمؒ کا
Use Har Shai Pe Ghalba Kyuñ Na Ho Sari Khudayi Meiñ
Sikander Hai, Wazeefa Padhne Wala Ghous-e-Aazam Ka.

صداقت میں، سخاوت میں، ریاضت میں،
عبادت میں
قیامت تک رہے گا بول بالا غوثِ اعظمؒ کا
Sadaqat Meiñ, Sakhawat Meiñ, Reyazat Meiñ, Ibadat Meiñ
Qayamat Tak Rahega Bol Bala Ghous-e-Aazam Ka.

مِلائے خاک میں ابلیس کے مذموم منصوبے
محافظ بن گیا باری تعالٰی، غوثِ اعظمؒ کا
Milaye Khak Meiñ Iblees Ke Mazmoom Mansoobe
Muhafiz Ban Gaya Baari T’aala, Ghous-e-Aazam Ka.

جواب اپنا نہیں رکھتی فقیری بھی، امیری بھی
زمانے بھر سے ہے عالَم نرالا، غوثِ اعظمؒ کا
Jawab Apna Nahi Rakhti Faqeeri Bhi, Ameeri Bhi
Zamane Bhar Se Hai ‘Aalam Nirala, Ghous-e-Aazam Ka.

سلامی رات دن دیتی ہیں کرنیں چاند سُورج کی
ہر اک بغداد کا ذرّہ ہے پالا، غوثِ اعظمؒ کا
Salami Raat Din Deti Haiñ Kirneñ Chaand Sooraj Ki
Har Ik Baghdad Ka Zarra Hai Paala, Ghous-e-Aazam Ka.

طریقِ چشت ہو، یا سُہروردی، نقشبندی ہو
نظر آیا ہمیں ہر سُو اُجالا، غوثِ اعظمؒ کا
Tareeqe Chisht Ho Ya Sohrawardi, Naqshbandi Ho
Nazar Aaya Hameñ Har Soo Ujala Ghous-e-Aazam Ka.

ہوئی تسلیم اہل دل کو ہر سُو برتری اُن کی
ہُوا ہر گام پر رُتبہ دوبالا، غوثِ اعظمؒ کا
Hui Tasleem Ahl-e-Dil Ko Har Soo Bartari Unki
Hua Har Gaam Par Rutba Dubaala, Ghous-e-Aazam Ka.

اُنہوں نے جو کہا، تائیدِ حق سے ہو گیا پورا
مشیّت نے کبھی کہنا نہ ٹالا، غوثِ اعظمؒ کا
Unhoñ Ne Jo Kaha, Taayeed-e-Haq Se Ho Gaya Poora
Masheeyyat Ne Kabhi Kehna Na Taala, Ghous-e-Aazam Ka.

اثر ہو گا دُعا میں، مدّعا تیرا بر آئے گا
مبارَک نام ہونٹوں پر ذرا لا، غوثِ اعظمؒ کا
Asar Hoga Du’a Meiñ, Mudda’a Tera Bar Aayega
Mubarak Naam Hotoñ Par Zara Laa, Ghous-e-Aazam Ka.

نبیؐ کا نُور، فیضِ فاطمؓہ کا کیوں نہ ہو وارث
علیِؑ مُرتضٰی ہے جدِ اعلٰے، غوثِ اعظمؒ کا
Nabi Ka Noor, Faiz-e-Fatima Ka Kyuñ Na Ho Waris
Ali-e-Murtaza Hai Jadd-e-A’ala, Ghous-e-Aazam Ka.

نصؔیرؒ ایمان ہے اپنا، کہ محشر میں دمِ پُرسش
ہمارے کام آئے گا حوالا، غوثِ اعظمؒ کا۔
‘Naseer’ Eeman Hai Apna, Ke Mahshar Meiñ Dam-e-Pursish
Hamare Kaam Aayega Hawaala, Ghous-e-Aazam Ka.

کتاب: فیضِ نسبت

Our Pages

Naat-E-Paak

Rabiul Awwal Mutalliq Kalam

Manqabat Ghaus e Azam

Manqabat Ghareeb Nawaaz

Shayar

Naat Khwan:

Qawwali