Teri Zaat Masdar-e Har Zaya Naat-e Paak Lyrics in Urdu
کلامِ خالد محمود خالد نقشبندی
تری ذات مصدرِ ہر ضیاء تیرا نام مطلعِ نور ہے
ترا درد حاصلِ بندگی تیرا غم متاعِ سُرور ہے
یہ یقیں فروز قیاس ہے تو ہر اک مقام سے پاس ہے
نظر آرہے ہیں جو فاصلے یہ میری نظر کا قصور ہے
جو جہاں نما جو خدا نما وہ جمال ان کا جمال ہے
جو کٹے خیالِ حضور ﷺ میں وہ حیات نور ہی نور ہے
مرا ذکر و فکر مرا سخن مرا سوز و ساز یہ مرا فن
تری نعت بن کے سنور گئے یہ ترے کرم کا ظہور ہے
تیرے راستے میں جو آ گیا وہ مراد زیست کی پا گیا
اسے زندگی کے علوم پر ترے فیض ہی سے عُبُور ہے
مرے پاس کچھ بھی نہیں تو کیا مرے لاج والے کی خیر ہو
مجھے ناز ان کے کرم پہ ہے مجھے مصطفیٰ ﷺ پہ غرور ہے
جو تمہارے غم کا اسیر ہے وہ بڑا امیر و کبیر ہے
جو تمہارے در کا فقیر ہے غمِ دو جہاں سے وہ دور ہے
جو طلب سے پہلے کرے عطا جو صدا سے پہلے سنے صدا
مری لاج والا وہی تو ہے جو حبیبِ ربِِّ غفور ہے
تری آرزو تری جستجو تری گفتگو مری آبرو
مری مستیوں کا بھرم ہے جو تری یاد ہی کا سرور ہے
تھے جہاں میں اور بھی مشغلے تھے جہاں میں اور بھی تذکرے
ترے ذکر ہی سے سکوں ملا کوئی بات اس میں ضرور ہے
ہے تمہارا خالدِ بےنوا اسے بےسبب ہیں نواز دو
نہ اسے قرینۂِ آرزو نہ اسے طلب کا شعور ہے
- Comment में राय दीजिए
- Share कीजिए
Hindi And English lyrics
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ |Nazir Ejaz Faridi | Ghous Muhammad Nasir | Maulvi Ahmad Hasan |