Tere Ishq Ki Inteha Chahta Hoon Lyrics – Muhammad Samie

By / Qawwali Lyrics

Tere Ishq Ki Inteha Chahta Hoon Lyrics 

Singer: Muhammad Samie

 

Khirad-mandoñ se kya poochhuñ
Keh meri ibtida kya hai !
Keh main is fikr meiñ rahta hooñ
Keh meri inteha kya hai !

Tere Ishq Ki Inteha Chahta Hoon

Tere Ishq Ki Inteha Chahta Hoon..

 

Na shorat, na sarwat, na meharab-o-mimber, Bus..

Tere Ishq Ki..
Tere Ishq Ki..
Tere Ishq Ki Inteha Chahta Hoon..

 

Jo giraftar tumhara hai wahi hai aazad
Jisko aazad karo tum kabhi aazaad na ho !

Tere Ishq Ki Inteha Chahta Hoon..

 

Aql ne jab bhi diya mujhko fareb-e-mantik
Ishq aaya hai mujhe raah dikhane ke liye

Tere Ishq Ki Inteha Chahta Hoon ×2
Meri Sadgi Dekh Kya Chahta Hooñ.

Tere Ishq Ki Inteha Chahta Hoon.

 

Ye Jannat Mubarak Rahe Zaahidoñ Ko..
Ye Jannat Mubarak Rahe Zaahidoñ Ko

 

Apni jannat mujhe dikhla na saka tu waiz
Koocha-e-yaar meiñ chal dekhle jannat meri

Ye Jannat Mubarak Rahe Zaahidoñ Ko..

 

Bahisht meiñ bhi pahunch kar mujhe qarar nahi
Ye koyi aur jagah hai maqaam-e-yaar nahi !

Ye Jannat Mubarak Rahe Zaahidoñ ×2
Ke Maiñ Aapka Saamna Chaahta Hooñ. ×2

 

Maana keh Teri deed ke qaabil nahi hooñ maiñ
Tu Mera shauq dekh, meraa intezar dekh

Ke Maiñ Aapka Saamna Chaahta Hooñ.

 

Yahi aalam raha parda-nasheeni ka to zaahir hai
Khudayi aap se hogi, na humse bandagi hogi..

Kya farz hai ke sabko mile ek sa jawab !
Aao na! Hum bhi sair kareñ kohe toor ki

Rakhkha hai usne waada-e-deedar hashr par
Achchhi saza Hui hai dil-e-na-saboor ki.

Ke Maiñ Aapka Saamna Chaahta Hooñ..
Ke Maiñ Aapka Saamna Chaahta Hooñ..

 

Hameñ ma’loom hai, humse suno mehshar meiñ kya hoga?
Sab usko dekhte hoñge, wo humko dekhta hoga !

Jahannam ho ke jannat, jo bhi hoga faisla hoga
Ye kya kam hai, hamara aur unka saamna hoga !

Ke Maiñ Aamna-Saamna Chaahta Hooñ.
Ke Maiñ Aamna-Saamna Chaahta Hooñ.

 

Jabse chali hai Aadam-o-Yazdañ ki daastañ
Har bawafa ka rabt hai ik bewafa ke saath

Peer-e-mughañ se humko koi bair to nahi
Thoda sa ikhtilaf hai Mard-e-Khuda ke saath

Mehshar ka khair kuchh bhi natija ho ay Adam 
Kuchh guftgu to khul ke karenge khuda ke saath

Ke Maiñ Aamna-Saamna Chaahta Hooñ.

 

Ye roz-e-hashr hai maalik, sawaloñ par bhi aa jaana
Zara deedar to kar looñ Tera ay rooye-jaanaana

Ke Maiñ Aap Ka Saamna Chaahta Hooñ.
Tere Ishq Ki Inteha Chahta Hoon.

 

Bhari Bazm Meiñ Raaz Ki Baat Keh Di ×4
Bada Be-adab Hooñ Saza Chahta Hooñ. ×2

 

Rind-e-kharab-haal ko zaahid na chhed tu
Tujhko paraayi kya padi, apni nabed tu

Bada Be-adab Hooñ Saza Chahta Hooñ.

 

Janab-e-shaikh ! ye kya maajra hua aakhir
Suna hai aapko kaabe meiñ bhi khuda na mila !

Bada Be-adab Hooñ Saza Chahta Hooñ.
Bada Be-adab Hooñ Saza Chahta Hooñ.

 

Ab to ghabra ke ye kehte hain keh mar jayenge
Marke bhi chain na paya to kidhar jayenge,

Zauq jo mad’rase ke bigde hue haiñ mulla
Inko maikhane meiñ le aao sawar jayenge.

Bada Be-adab Hooñ Saza Chahta Hooñ.×2

 

Zahid ko ratt lagi hai sharab-e-tahoor ki
Aaya hai maikade meiñ to soojhi hai door ki

Waiz na tum piyo na kisi ko pila sako
Kya baat hai tumhari sharab-e-tahoor ki

Bada Be-adab Hooñ Saza Chahta Hooñ. ×2

 

Milegi shaikh ko jannat hamen dozakh aata hoga
Bas itni baat hai jiske liye mehshar bapa hoga

Rahe do-do farishte saath ab insaaf kya hoga
Kisi ne kuchh likha hoga, kisi ne kuchh likha hoga

Gunah se aashaayi jab nahi rakhte farishte tab
Gunah likhte hue shayad farishta sochta hoga…

Bada Be-adab Hooñ Saza Chahta Hooñ
Tere Ishq Ki Inteha Chahta Hoon
Meri Sadgi Dekh Kya Chahta Hooñ
Ke Maiñ Aap Ka Saamna Chaahta Hooñ

Tere Ishq Ki Inteha Chahta Hoon.
Tere Ishq Ki Inteha Chahta Hoon.

Our Pages

Hamd-E-Baari-T’aala 

Naat-E-Paak         

Rabiul Awwal Mutalliq Kalam

Manqabat Ghaus e Azam

Manqabat Ghareeb Nawaaz

Shayar

Naat Khwan:

         Qawwali