Main Kuchh Na Sahi Mera Muqaddar To Bada Hai Naat-e Paak Lyrics in Urdu
کلامِ خالد محمود خالد نقشبندی
English Lyrics | हिन्दी लिरिक्स
قطعہ
دل کو کیف و سرور ملتا ہے
قربِ ربِِّ غفور ملتا ہے
تجربہ ہے نبی ﷺ کی چوکھٹ سے
جو بھی مانگو ضرور ملتا ہے
نعتِ پاک
میں کچھ نہ سہی میرا مقدر تو بڑا ہے
سنگِ درِ محبوب پہ سر میرا جھکا ہے
کیا خوب صلہ نعتِ محمد ﷺ کا ملا ہے
میزانِ محبت پہ ہر اک شعر تلا ہے
سرکار ﷺ کے قدموں کے نشاں ڈھونڈ رہا ہے
جو اشکِ محبت مری آنکھوں سے گرا ہے
سایہ جسے دامان مُحمٌد ﷺ کا ملا ہے
قیدِ غمِ کونین سے آزاد ہوا ہے
یہ ذرہ جسے آج سبھی کہتے ہیں خورشید
خاکِ قدمِ سرورِ عالم سے اڑا ہے
اب ہیچ نظر آتی ہے سب دولتِ کونین
دامانِ طلب یوں تری رحمت نے بھرا ہے
کیوں میری خطاؤں کی طرف دیکھ رہے ہو
جس کو ہے مری لاج وہ لجپال بڑا ہے
آسودہ نظر آتا ہے ہر ایک کرم سے
جو سرورِ کونین ﷺ کے کوچے کا گدا ہے
جینے کا ملا ہے تیری سیرت سے قرینہ
قرآنِ مجسم تری ہر ایک ادا ہے
یہ شفقت و رحمت ہے کہ ہر اک دل مایوس
بخشش کا یقیں لے کے ترے در سے اٹھا ہے
ہٹتی نہیں سرکار ﷺ کی سیرت سے نگاہیں
ہر وقت مرے سامنے قرآن کھلا ہے
کرتے ہیں نقیرین ادب میرا لحد میں
مٹ کر تری الفت میں یہ اعزاز ملا ہے
دامن میں چھپا لو کہ پشیمان ہے خالد
آخر یہ تمہارا ہے برا ہے کہ بھلا ہے
- Comment में राय दीजिए
- Share कीजिए
Hindi And English lyrics
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ |Nazir Ejaz Faridi | Ghous Muhammad Nasir | Maulvi Ahmad Hasan |