Kahna Salam Mera Ae Hajj Ko Jane Wale Lyrics
Bhai Shihab Aapki Himmat Ko Hai Salam
Jab Tak Rahe Ye Huniya Rahe Aapka Bhi Naam
Meri Dua Hai Aapka Ye Hajj Qubool Ho
Allah Bakhshe Aapko Uncha Bahot Maqaam.
Dil Ki Jaseem Akhtar Kaliyan Khilane Wale
Kahna Salam Mera Ae Hajj Ko Jane Wale
Seeno Me Noor Bhar Ke Ye Qafila Chala Hai
Labbaik Allah Humma, Labbaik Ki Sada Hai
Aankon Se Hajiyon Ke Moti Tapak Rahe Hain
Paimane Ulfaton Ke Har Soo Jhalak Rahe Hain
Wallah! Dekh Aana Taiba Nagar Mubarak
Ae Zaireen E Taiba Tum Ko Safar Mubarak
Baab E Saba Bhi Lekar Paigham Aa Rahi Hai
Har Ik Kali Chaman Ki Khushiyan Luta Rahi Hai
Sad Aafri(n) Ke Naghme Koyal Suna Rahi Hai
Bulbul Bhi Shaadmani Ke Geet Ga Rahi Hai
Be-Noor Thin Jo Nazrein Purnoor Ho Gayii Hain
Deedar Ki Talab Me Masroor Ho Gayi Hain
Sab Badhke Le Rahe Hain Peshaniyon Ka Bosa
Rakhte Safar Me Ulfat Ka De Rahe Hain Tosha
Rahmat Ki Barishon me Tum Ho Nahane Wale
Kahna Salam Mera Ae Hajj Ho Jane Wale
Kahna Salam Mera Ae Hajj Ho Jane Wale
Arz-e-Arab Pe Jana Rakhna Qadam Sambhal Ke
Kar Na Tawaf-e-Qaba Ishq-e-Nabi Me Dhalke
Sahn-e-Haram Me Karna Fir Shukr Ke Tu Sajde
Fir Ba-Adab Wo Sang-e-Asbad Ke Lena Bose
Chakkar Lagana Jake Marba Safa Pe Jis Dam
Sunnat Hai Hajra Bi Ki Yaad Rakhna Us Dam
Muztalfa Aur Mina Me Ro Kar Duayein Karna
Laghzish Na Hone Paye Is Baat Se Tu Darna
Ja Kar Mina Me Shaitañ Ko Marna Hai Kañkar
Koshish Yehi Tu Karna Raazi Ho Tujhse Dawar
Arfaat Ke Wo Maidan Me Jis Ghadi Ho Jana
Waqt-e-Duaye Rukhsat Ham Ko Na Bhool Jana
Murjha Chuki Hai Wo Jo Dil Ki Kali Khilegi
Zam-Zam Ka Pani Peena Har Tishnagi Bujhegij
Arqan-e-Hajj Hain Jitney Un Sabko Poora Kar Ke
Taiba Ki Simt Jana Aankhon Me Ashk Bhar Ke
Bakhshish Ka Leke Muzda Uqba Sajane Wale
Kahna Salam Mera Ae Hajj Ho Jane Wale
Kahna Salam Mera Ae Hajj Ho Jane Wale
Taiba Ki Sar Zamiñ Par Tum Dheere Dheere Chalna
Fir Rouza-e-Nabi Par Dil Se Durood Padhna
Fir Thaam Kar Nabi Ke Rouze Ki Paak Jaali
Ba-Chashm-E-Nam Ye Kahna Ae Bekasoñ Ke Waali
Mushkil Me Ghir Gaya Hun Lillah Ab Sambhalo
Is Daur-e-Pur Fitan Se Aaqa Mujhe Bacha Lo
Majhdhar Me Fasa Huñ Mushkil Me Hai Safina
Fart-e-Alam Se Aaqa Mar Jauñ Main Kahiñ Na
Haathoñ Ko Fir Uthakar Karna Yehi Duaeiñ
Nadaar Bekasoñ Ki Sun Lijiye Sadaeiñ
Ummat Pe Ranj-O-Gham Ke Mandla Rahe Hain Badal
Jis Simt Dekhta Hun Har Su Machi Hai Halchal
Mahshar Me Aasiyoñ Ka Bas Aap Haiñ Sahara
Sarkar Aap Ke Bin Ab Kon Hai Hamara
Ya Rab Ata Ho Hamko Aale Nabi Ka Sadqa
Bu-Bakr Aur Umar Ka Usmañ Ali Ka Sadqa
Hain Aap Hi Hamari Bigdi Bana Ne Wale
Kahna Salam Mera Ae Hajj Ko Jane Wale.
Kahna Salam Mera Ae Hajj Ko Jane Wale
Fir Rouza-e-Nabi Par Dil Se Salam Padhna
Siddique Aur Umar Ke Rouze Ki Simt Badhna
Pahlu Me Hai Nabi Ke Inka Mazar-e- Aqdas
Manzar Na Dekha Hoga Aisa Haseen-o-Dilkash
Kar Ke Salam Unko Fir Mañgna Duaeiñ
Karna Dua Khuda Se Sab Muaf Hoñ Khataeiñ
Ye Shart-e-Aashiqui Hai Ik Pal Bhi Hoñ Na Ghafil
Har Ik Maqam Par Tum Karna Ada Nawafil
Jana Bade Adab Se Fir Jannatul Baqi Me
Sarkar Ke Sahaba Madfoon Haiñ Isi Me
Binte Nabi Ki Turbat Pe Jis Ghadi Ho Jana
Neechi Nigah Rakhna Palkoñ Ko Mat Uthana
Usmañ Ghani Yehiñ Par Aaram Kar Rahe Haiñ
Jinke Qaseed-e-Aakar Qudsi Bhi Padh Rahe Haiñ
Ja Kar Hasan Ki Turbat Pe Hale Gham Sunana
Ho Jayega Yaqinan Firdaus Me Thikana
Darbar-e-Mustafa Me Naateiñ Sunane Wale
Kahna Salam Mera Ae Hajj Ko Jane Wale.
Kahna Salam Mera Ae Hajj Ko Jane Wale
Ae Zaireen-e-Taiba Waqt-e-Dua-e-Rukhsat
Kahna Mere Nabi Se Sab Haal-e-Zaare Ummat
Kahna Ke Shiddat-e-Gham Se Fat Raha Hai Seena
Mujhko Nahiñ Gawara Ab Chhorna Madina
Ik Bar Jeete Ji Maiñ Kar Lun Tawaf-e-Qaba
Ban Jaye Meri Duniya Ban Jaye Mera Uqba
Ham Sab Ke Haq Me Karna Aaqa Se Iltijaeiñ
Wo Sabz-Sabz Gumbad Hamko Bhi Ab Dikhaeiñ
Kab Tak Alam Ke Sadme Is Dil Pe Ab Uthaeiñ
Hasrat Hai Jake Taiba Fir Laut Kar Na Aayeñ
Nazroñ Ke Samne Ab Sarkar Ki Gali Ho
Mere Naseeb Me Bhi Taiba Ki Haaziri Ho
Is Aarzoo Me Saanseiñ Tooti Agar Machal Ke
Poochhegi Rooh Meri Karbat Badal Badal Ke
Tab Main Jaseem Dil Ke Jazbaat Likh Raha Tha
Ashkoñ Ki Roshnayi Se ik Naat Likh Raha Tha
Sarkar Roz-e-Mahshar Haiñ Bakhshbane Wale
Kahna Salam Mera Ae Hajj Ko Jane Wale.
Kahna Salam Mera Ae Hajj Ko Jane Wale
Song: Waqya Kahna Salam Mera Ae Hajj Ko Jane Wale
Album: Shihab Bhai Special Hajj Qawwali 2023
Fankar: Tasneem Arif
Kalam: Jaseem Akhtar Numani
Our Pages
- Khalid Mahmud ‘Khalid’
- Allama Saim Chishti
- Bedam Warsi
- Ajmal Sultanpuri Naat
- Ala Hazrat Naat
- Akhtar Raza Khan
- Raaz Ilaahabadi
- Muhammad Ilyas Attari
- Sayyad Nazmi Miyan
- Shakeel Arfi
Naat Khwan:
- Owais Raza Qadri
- Habibullah Faizi
- Ghulam Mustafa Qadri
- Hafiz Tahir Qadri
- Laiba Fatima
- Asad Iqwal
- Sajjad Nizami
- Zulfiqar Ali Hussaini
- Mufti Abdullah Bin Abbas
- Junaid Jamshed Khan