Jab Aane Wala Aayega Lyrics-Shadman Raza
Ya Mehdi, Ya Mehdi
Mola Mehdi, Mola Mehdi
Ya Mehdi , Ya Mehdi
Mola Mehdi, Mola Mehdi
جَآءَ ٱلْحَقُّ وَزَهَقَ ٱلْبَٰطِلُ ۚ إِنَّ ٱلْبَٰطِلَ كَانَ زَهُوقًا
Ik Roz Ye Manzar Badlega
Ik Din Ye Chaman Lahrayega
Gulshan Me Chalegi Aisi Hawa
Ye Daur e Khaza.N Mit Jayega.
Ye Dahrti Sona Uglegi
Ye Charkh Gauhar Barsayega
Ik Din Ye Nizam E Zulm O Sitam
Khud Zalim Ko Rulwayega
Khanzar Ka Kaleja Kaañpega
Talwar Ka Sar Chakrayega
Sab Thaat Pada Rah Jayega
Jab Aane Wala Aayega.
Kya Teer O Kama.N Kya Noke Sina
Kya Gurz e Gara.n Kya Tegh E Do Dam
Kya Tank Aur Kaise Meezaa’il (missile)
Kya Rocket Kaise Atom Bum (Bomb)
Saman E Hawas Asbaab E Sitam
RaiGan Ki Zuban Rushdi Ka Qalam
Insañ Ka Lahu Peene Wale
Insan Ki Surat Me Ye Sanam
Khul Jayega Ik Ik Ka Bharam
Jab Parda Wo Sarkayega.
Sab Thaat Pada Rah Jayega
Jab Aane Wala Aayega.
Goonjegi Sada E Ja-Al-Haq
Jab Suraj Chand Sitaron Se
Kuchh Kar Na Sakenge Ahle Sitam
Tab Masnoyi Saiyaroñ Se
Takrayenge Khud Hi Aapas Me
Jab Taiyyare Taiyyaron Se
Dam Bhar Me Nikal Jayegi Hawa
Taqat Ke Sabhi Gubbaron Se
Jab Zor E Ilahi Ka Waris
Jab Apni Taqat Dikhlayega.
Sab Thaat Pada Rah Jayega
Jab Aane Wala Aayega.
Tootega Tilishm E Laal O Gouhar
Footega Muqaddar Dollar Ka
Nezon Ki Chamak Bujh Jayegi
Ud Jayega Paani Khanjar Ka
Ae Ahle Jafa Kyun Karte Ho
Charcha Yun Faujon Lashkar Ka
Tum Marhab O Antar Ke Bête
Wo Laal Hai Shere Daawar Ka
Zahra Ki Dua Hai Seena Sipar
Kon Us Se Bhala Takrahega.
Sab Thaat Pada Rah Jayega
Jab Aane Wala Aayega.
Mana ! Ke Abhi Hain Tashna Dahan
Sehra Sehra Gulshan Gulshan
Mana Ke Haiñ Sadiyon Ke Pyase
Ye Laal O Gul Ye Sarv O Saman
Patti Patti Hai Khushk Zuban
Daali Daali Hai Tashna Dahan
Allah Ki Rahamat Se Lekin
Maayus Na Hon Arbaab E Chaman
Wo Badal Uthne Wala Hai
Jo Sabki Pyaas Bujhayga.
Sab Thaat Pada Rah Jayega
Jab Aane Wala Aayega.
Ae Waadi E Najd Ke Raahjano
Kyun Hmako Aankh Dikhate Ho
Jo Bheeq Me Maang Ke Laye Ho
Us Taqat Per Itrate Ho
Mahma Ka Khoon Bahate
Ima.N Ka Naqsh Mitate
Khate Ho Payamber Ka Sadqa
Aur Ummat Par Ghurrate Ho
Ik Roz Buton Ki Tarha Tumhe
Kaabe Se Nikaala Jayega.
Sab Thaath Pada Rah Jayega
Jab Aane Wala Aayega.
Zulmaat Ki Kaali Raton Ka
Rakkhoge Naam Sahar Kab Tak
Ye Nashr o Isha’at Ke Marqaz
Chhapenge Jhoonti Khabar Kab Tak
Dalenge Haqaayik Pe Parda
Alfaaz Ke Baazigar Kab Tak
Yun Masnad E Ilm Pe Baithenge
Insane Numa Patthar Kab Tak
Kab Tak Aakhir Baatil Ka Gala
Duniya Me Shor Machayega.
Sab Thaat Pada Rah Jayega
Jab Aane Wala Aayega.
Ik Roz Ye Tum Se Poochhenge
Bedaar Muqaddar Kis Ka Hai
Kis Ki Hai Hawa Kis Ka Hai KHala
Nazm E Maho Akhtar Kis Ka Hai
Kis Ka Hai Tasallut Sahra Par
Gulshan Me Gule Tar Kiska Hai
Paani Pe Musalle Bichhne Do
Tab Kehna Samandar Kis Ka Hai
Jab Apna Safeena Ubhrega
Toofan Ka Sar Chakrayega.
Sab Thaat Pada Rah Jayega
Jab Aane Wala Aayega.
Europ Ki Zami Tharrati Hai
Rushdi Ki Hifazat Kya Hogi
Fatwe Se To Duniya Hilne Lagi
Talwar Ki Taqat Kya Hogi
Naa,ib Ki Jab Itni Haiwat Hai
Aaqa Ki Jalalat Kya Hogi
Bande Ki Zuba.N Me Hai Ye Asar
Maula Ki Huqoomat Kya Hogi
Jo Zor E Khuda Ka Waris Hai
Kon Us Se Aankh Milayega.
Sab Thaath Pada Rah Jayega
Jab Aane Wala Aayega.
Jage Gi Gharibon Ki Qismat
Din Paltega Ranjooron Ka
Kab Tak Yun Hin Istehsal Karanege
Zulm O Sitam Maazooron Ka
Kab Tak Ye Siyasat Ki Jokein
Choosengi Lahu Mazdooron Ka
Tapka Hai Zami Par Jitna Lahu
Mazloomon Ka Majbooron Ka
Ubharega Shafaq Ban Kar Wo Lahu
Aur Angare Barsayega.
Sab Thaat Pada Rah Jayega
Jab Aane Wala Aayega.
Hai Azm Khaleeli Seeno Me
Sholon Me Phool Khila Denga
Haathon Me Nihan Hai Zoor E Ali
Khaibar Ka Sama Dikhla Denga
Abbas E Dilabar Ke Waris
Har Ik Ki Pyaas Bujha Denga
Ye Nasl O Mulq O Rang O Watan
Ki Sab Deewar Gira Denge
Us Waqt Faza E Aalam Me
Ghazi Ka Alam Lahrayega
Sab Thaath Pada Rah Jayega
Jab Aane Wala Aayega
Reciter : Syed Shadman Raza Naqvi
Poet: Dr Payam Azmi (India)
Manqabat Imam Mehdi As 15 shaban 2022 special kalam
Related Post:
Aap Ajayen Jo Mola As Lyrics – Shahid Baltistani
Imam e Zamana Lyrics / Utha Ke Parda
ज़हूर का वक़्त आ गया है Mir Hasan Mir
Our Pages
Manqabat Shahidan e Karbala Nohey Lyrics
Manqabat Imam Hussain As Lyrics
Manqabat Bibi Sakina Sa Lyrics
Manqabat Bibi Fatima Sa Lyrics
Noha Khwan