Daba Ke Chal Diye lyrics | Kabhi Kaha Na Kisi Se Lyrics

Daba Ke Chal Diye lyrics | Kabhi Kaha Na Kisi Se Lyrics | Na Chhed Aag Laga Doonga Lyrics

Qawwal : Aziz Mian

Shayar: Qamar Jalalvi, and others

---

Wo aa gaye to qalb ki taleef ho gai
Rukhsat Hue to phir wohi takleef ho gai

Mahshar Mein Ik sawal kiya tha Kareem ne
Mujhse wahañ bhi aapki tareef ho gai

 

Tum na maano magar haqeeqat hai
Ishq insaan ki zarurat hai

Unki Mahfil Mein baith kar dekho
Zindagi kitni khoobsurat hai

 

Shukriya aapki Inayat Ka gham ki Daulat Mujhe ata kar di

Tumne hañs hans ke ibtida ki thi maine ro ro ke Inteha kar di

 

Mujhme ye aib hai Aashiq bhi hun Saudai bhi
Unme ye wasf Hai Qaatil Bhi Hain Harjaayi bhi

 

Kabhi Kaha Na Kisi Se
Kabhi Kaha Na Kisi Se

 

Kis qayamat ke ye naame mere naam aate hain
Unke khat mein mujhe ghairoñ ke salam aate hain

Kabhi kaha na kisi se
Kabhi kaha na kisi se

 

Woh mere samne baitha tha ghair ko lekar

Kabhi kaha na kisi se
Kabhi kaha na kisi se

 

Raat ke waqt me piye Saath raqeeb ko liye

Kabhi kaha na kisi se

 

Kabhi Kaha Na Kisi Se Tere Fasane Ko

 

Kabhi Kaha Na Kisi Se Tere Fasane Ko
Are! Na Jaane Kaise Khabar Ho Gayi Zamane Ko

Na jaane kaise khabar ho gayi zamane ko
Na jaane kaise khabar ho gayi zamane ko

 

Unhen Apne dil ki khabrein
Mere Dil Se mil rahi theeñ!

Na jaane kaise khabar ho gayi zamane ko
Na jaane kaise khabar ho gayi zamane ko

 

Suna hai Ghair Ki Mehfil Mein Tum Na jaaoge
Kaho To Aaj Saja Looñ Gharib-khaane Ko

 

Bahaar Ja Chuki Daur-e Khizañ Hai Ay Sayyaad
Na Chhed Aag Laga Doonga Aashiyane Ko

 

Na chhed aag laga doonga ..
Na chhed aag laga doonga ..

 

Meri Har nazar hai jalva

Na chhed aag laga doonga ..
Na chhed aag laga doonga ..

 

Pani nahin manga hai
Jise maara Hai nazar se

Na chhed aag laga doonga ..
Na chhed aag laga doonga ..

 

Mataa-e dard o gham o Iztarab mujh mein hai
Tajalliyon ka mukammal jawab mujhme hai

Na chhed aag laga doonga ..
Na chhed aag laga doonga ..

 

Go Toor Kalim nahi na sahi
Main khaaki hoon le phook mujhe

Na chhed aag laga doonga ..
Na chhed aag laga doonga ..

 

Tan yak taraf, Sar yak taraf
Dil yak taraf, Jaañ yak taraf

Na chhed aag laga doonga ..
Na chhed aag laga doonga ..

 

Hijaab ko behijab kar de
Naqaab ko benaqab kar de

Qasam hai maasoomiyat ki tujhko
Nizaam e fitrat kharaab kar de

 

Wo kaif ki tarha se ulajhta hai
Jeib o daamaañ ki dhajjiyoñ se

Maiñ us junooñ ki talash mein hoon
Jo chaak tera Naqaab kar de

 

Ujaad de mere dil ki duniya
Mere sukooñ ko tabaah kar de

Magar meri Iltija hai tujhse
Meri taraf ek nigaah kar de

 

Ye parda-daari hai kya tamaasha
Mujhi mein rahkar mujhi se parda

Tabaah karna agar hai mujhko
Naqaab utha aur tabaah kar de

Na chhed aag laga doonga ..
Na chhed aag laga doonga ..

 

Ishq mein bekhudi ka asar dekh le
Shauk mein mahv hun kis qadar dekh le

Meri janib bhi o bekhabar dekh le
Dekh le dekh le ik nazar dekh le

Apni nazroñ Ka sadqa idhar dekh le
Qatlgah mein huñ Seena sipar dekh le

Hooñ jhukaye Hue Apna Sar dekh le
Hai shahadat Ki dhun Kis qadar dekh le

Fek kar apna teer e nazar dekh le
Aaj tu bhi hamaara jigar dekh le

 

Seena sipar hoon dekh le
Teer e nazar ka waar kar

Aa jaa nazar ke saamne
Gesu zara sawar kar

 

Adl o Qahar Teri Khushi
Rehm o karam talab meri

Achcha to chal yuñ hi sahi
Mere gunah shumaar kar

 

Lazzat e Aashiqui Hai Kya
Tu bhi to chakh kabhi maza

Aafiyat mein jalwe se
Khud ko kabhi shikaar kar

 

Mujhko to is jahaan mein
Sirf tujhi se ishq hai

Ya mera imtihaan le
Ya mera aitbaar kar

 

Na chhed aag laga doonga ..
Na chhed aag laga doonga ..

 

Mujhe de Na ghaib ki dhamkiyañ
Gireñ laakh baar ye bijliyañ

Na chhed aag laga doonga ..
Na chhed aag laga doonga aashiyane ko

Daba Ke Chal Diye Sab Qabr Mein Dua Na Salaam

Zara si der mein dekho..

Zara Si Der Mein Kya Ho Gaya Zamaane Ko

 

Daba ke chal diye..

Daba ke chal diye..

 

Padhi namaz janaaze ki meri ghairon ne
Marey thei Jin ke liye wo rahe wazoo karte

 

Daba ke chal diye..
Daba ke chal diye..

 

Marne wala qabar mein kya chain paye baad e dafn

Maut ne duniya se dono rukh dikhaye baad e dafn

Mutthiyoñ mein khaak lekar dost aaye baad e dafn

Zindagi bhar ki mohabbat ka sila dene lage

Daba ke chal diye.. Daba ke chal diye..
Daba ke chal diye.. Daba ke chal diye..

 

Ye aadmi.. Ye aadmi.. Ye aadmi.. Ye aadmi..

Aadami ka jism kya hai jis pe shaida hai jahan

Ek matthi ki imarat ek matthi ka makaañ

 

Khoon ka gaara banaa aur eeñt (brick) jismein haddiyañ

Chand sanson per khada hai ye khayaali aasman

 

Maut ki purzor aandhi jab isse takraayegi

Ye imarat toot ke phir khaak mein mil jayegi

 

Ye jo kuchh dekhta hai tu fareb e khwaab e hasti hai

Takhayyul ke karash mein hai balandi hai na pasti hai

 

Ajab duniya e hairat aalam e gor e gharibañ Hai

Ke veeraane ka veeraana hai aur basti ki basti hai

 

Wohi ham hain kabhi jo raat din phooloñ meiñ tulte thei

Wohi ham hain ke turbat chaar phooloñ ko tarasti hai

Daba ke chal diye.. Daba ke chal diye..
Daba ke chal diye.. Daba ke chal diye..

 

Kisi ke munh se na nikla hamare dafan ke Waqt
Ke inpe khaak na daalo ye hain nahaaye hue

Daba ke chal diye.. Daba ke chal diye..
Daba ke chal diye.. Daba ke chal diye..

 

Mujhe paida kiya to apni soorat ka kiya paida
Phir uske baad khud hi dekh kar khud ho gaya shaida

 

Farishtoñ ne kiya Aflaak par dekho mujhe sajda
Mere sar par jab *Neechaayelooñ* ka taaj rakha tha
(*Please suggest an edit 🙏🏻 or confirm it’s correctness in comment box)

 

Na samjho khaak ka putla
binaaye do jahañ main hoon

Muraqqe ko na dekho main nahi hoon
Kisi ka Aayina hai main nahin hoon

Wo mujhme bolta hai main nahi hoon
Tumheñ dhoka hua hai main nahin hoon

A’baa pahne hue matti ki moorat
Koi bairoopiya hai main nahin hoon

 

Ab admi kuchh aur hamari nazar mein hai
Jab se suna hai yaar libas-e bashar mein hai

 

Wo Fakhr-e Laila Maiñ Rashk-e Majnooñ
Ke yaar mujh mein, main yaar mein hoon

 

Wo mujh pe shaida main uspe maftooñ
Ke yaar mujh mein, main yaar mein hoon

 

Mita jo illa mein naqsh laa ka
khicha fana mein baqaa ka naqsha

Pukar utTha taroon e bairooñ
Ke yaar mujh mein, main yaar mein hoon

 

Aafaak ha gar deeda am
Mehr e Butaañ warzeeda am

Bis yaar khoobañ deeda am
Lekin tou cheeze deegari

 

Man Tou shudam, Tou man shudii
Man tan shudam Tou jaañ shudii

Taa kas na goyad baad azeeñ
Man deegaram Tou deegari

 

Ay Allah
Maine laa kaha main laa hua
Wo laa bhi usme laa hua

Juz laa hua, kul laa hua
Phir kya hua – Allah Hua!

 

Lekin jab main paida hua
Hindu na Musalman tha mai

Bait Taurait se
na waaqif e Qur’aan tha mai

Haan magar itna pata hai
Ke ik insaan tha main

 

Ay Allah
Main chala mandar ki jaanib
Dee brahman ne sada

Jaane wale aa idhar
dekh parabhu Ka Makañ

 

Main chala masjid ki jaanib
Dee Moazzin ne sada
Jane wale aa idhar
dekh moula ka makañ

 

Main kidhar jaaun
Main kahan jaaun
Ajab hai ye Tera dhandha

 

gharaj ye Isi kashmkash Mein
meri zindagi guzri
Baad marne ke maiyat per Meri
Laga Hai Mela

 

Koi kahta hai ke lakdi se jalao isko
Koi kahta hai ke matti mein dabaao isko

Ay Allah
Gharaz ye sabka mansha hai
Ke duniya se mitaao isko

 

Daba ke chal diye.. Daba ke chal diye..
Dabaa ke chal diye.. Dabaa ke chal diye..

 

Dabaa ke chal diye.. Dabaa ke chal diye..
Dabaa ke chal diye.. Daba ke chal diye..

 

–— Additional Verses—

Dua Bahaar Ki Maañgi To Itne Phool Khile
Kahiñ Jagah Na Rahi Mere Aashiyane Ko

 

Meri Lahad Pe Patañgoñ Ka Khoon Hota Hai
Huzur Shamma Na Laaya Kareñ Jalane Ko

 

Ab Aage Is Meiñ Tumhara Bhi Naam Aaega
Jo Hukm Ho To Yahiñ Chhod Dooñ Fasane Ko

 

‘Qamar’ Zara Bhi Nahiñ Tum Ko Ḳhauf-e Rusvayi
Chale Ho Chañdni Shab Meiñ Unheñ Bulane Ko

---

Hindi And English lyrics

| Qawwali |

| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ | Ghous Muhammad Nasir | Maulvi Ahmad Hasan |

| Naat-E-Paak|

| Khalid Mahmud ‘Khalid’ | Ajmal Sultanpuri Naat  | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan