Qasidah Hazarat Ibrahim A.S Lyrics
Aao Ae Pyare Bachcho Ye Qissa Suno
Aur Nasihat Ke Tum Is Se Moti Chuno
Pichhle Waqton Me Zalim Tha Ik Hukmran
Naam Namrood Tha Wo Tha Iizara Rasa
Khud Ko Rab Kahta Tha Wo Khabees-O-Laiin
Us Ne Barpa Kiya Apna Nakaam Deen
Is Ke Logo Me Aazar Tha Ik But Farosht
Ma-Siwa Is Ko Daulat Na Tha Koii Hosh
Har Taraf But Gari But Faroshi Hi Thi
Itni Nadaani Me Zindagi Katti Thi
Tab Khuda Ne Bara-Heem Paida Kiya
Jisne Deen-E-Khuda Aa Ke Zinda Kiya
Baap Aazar Bara-Heem Iska Pisar
Yani Ik Ghar Me Hi Aa Gaye Khair-O-Shar
Apne Bachpan Me Ye Justjoo Ke Sabab
Socha Hai Kon Is Duniya Ka Asli Rab
Kya Ye Patthar Jo Makkhi Udate Nahin
Ya Ye Suraj Jo Dhalta Hai Jakar Kahin
Mumkinah Quwwaton Ke Liye Soch Kar
Rab Koi Aur Hai Pahunche Is Nukte Par
Rab Hai Wo Jo Hai Sab Quwwaton Ka Hi Rab
Chand Suraj Sitare Hain Jiske Sabab
Yun Bara-Heem Ko Rab Ki Pahcha.N Huyi
Aur Ibadat Ki Manzil Bhi Aasan Hui
Baap Ne Jab Bara-Heem Se Ye Kaha
Ja Ke But Bech Aur Apni Daulat Kama
Char-O-Nachar But Bechne Chal Pade
Aur Haq Ki Sada Wo Lagane Lage
But Zami Par Ghaseete Lagaai Sada
Gar Ye Rab Hai Kaho Is Se Makkhi Uda
Dekh Sakta Nahin Bol Sakta Nahin
Kaise Kahte Ho Bandon Ki Sunta Hai Ye
Qaum Ko Aise Samjhaya Phir Aap Ne
Unki Aqlon Pe Parde The Lekin Pade
Ek Din Ek Tyohar Me Sab Gaye
Ik Bahane Bara-Heem Ghar Me Rahe
Shahar Khali Hua To Bara-Heem Ne
Ek But Khana Ki Raah Li Chal Pade
Ik Bade But Pe Kulhaadi Ko Chhor Kar
Aa Gaye Ghar Wo Saare Hi But Tod Kar
Log Laute To Sar Ko Patakhne Lage
Qahar Aayega Ab Jald Kahne Lage
Aur Bara-Heem Se Aake Kahne Lage
Tune But Kis Liye Tode Hain Qaum Ke
Tab Unhon Ne Kaha But Se Poochho Zara
Jiske Kaandhe Pe Kulhaada Ik Hai Dhara
Satpata Kar Kaha Aap Ki Qaum Ne
Ye Hai Patthar Ye Har Giz Nahin Bolte
Tab Bara-Heem Bole Wahan Yak Ba Yak
Ye Hai Rab Jo Udaata Hani Makkhi Tak ?
Yun Kiya La-Jawab Aap Ne Qaum Ko
Aur Bataya Ke Dokha Hai Ye Dosto
Ek Allah Ko Maabood Jano Sada
Jiske Qaaboo Me Hai Saans Ka Silsila
Jab Ye Gustakhi Logo Ne Dekhi Tabhi
Daude Namrood Ke Paas Pahunche Sabhi
Aur Shikayat Lagayi Ghazab Ho Gaya
Mulk Me Koi Gustakh Hai Aa Gaya
Yun Giriftar Allah Ka Pyara Hua
Aur Namrood Ke Samne Aa Gaya
Bola Namrood Meri Hai Sab Saltanat
Mai Hun Rab Hukmrani Mari Shash-Jeehat
Tab Bara-Heem Sakhti Se Kahne Lage
Rab Ke Taabe Hain Saans Ke Silsile
Bola Namrood Karta Hun Main Bhi To Yun
Jisko Jinda Rakhun Aur Jise Maar Dun
Phir Bara-Heem Ne Di Use Ek Daleel
Aur Namrood Hone Laga Tab Zaleel
Rab To Laata Hai Mashriq Se Suraj Ka Thaal
Gar Tu Rab Hai To Magharib Se Suraj Nikaal
Ab Jawab Usko Kya Soojhta Doso !
Bilbila Uththa Gusse Se Wo Sahibo
Gusse Me Ho Ke Farman Jaari Kiya
Aagh Ka Ik Aalao Jalao Bada
Shole Jab Aasma Ko Pahunchne Lage
Is Me Hazrat Bara-Heem Daale Gaye
Aaya Amre Khuda Aagh Thandi Hui
Baal Bhi Unka Beeka Nahin Kar Saki
Aur Udhar Ek Machchar Ne Hamla Kiya
Aur Namrood Ke Sar Me Wo Ja Ghusa
Sar Patakhta Kabhi Joote Se Peetta
Aur Isi Haal Me Ek Din Mar Gaya
Haq-O-Baatil Ke Rukh Rab Ne Waaze Kiye
Aur Sabaq Samne Khol Kar Rakh Diye
Recited By: Hafiz Hammad Hameed
Lyrics: Musaab Shaheen
Qasidah Hazarat Ibrahim A.S Lyrics
Qasidah Hazrat Yusuf A.s.
Our Pages
Naat-E-Paak
Naat Khwan:
- Owais Raza Qadri
- Habibullah Faizi
- Ghulam Mustafa Qadri
- Hafiz Tahir Qadri
- Laiba Fatima
- Asad Iqwal
- Sajjad Nizami
- Zulfiqar Ali Hussaini
- Mufti Abdullah Bin Abbas
- Junaid Jamshed Khan
- Muhammad Ali Faizi
- Ghulam Noore Mujassam
Qawwali
Manqabat Shahidan e Karbala | Nohay Lyrics|