jhulo jhulo ya muhammad jhoolna
Khuda ke noor ki hone lagi barish jahañ bhar me
Muhammad ho gaye paida jo Abdullah ke ghar me
Munawwar ho gaye hain dono aalam noor se jinke
Likhi hai parwarish inki halima ke muqaddar me
Daai halima devey hain loriyan
jhulo jhulo ya muhammad jhulna
jhulo jhulo ya muhammad jhoolna ×3
Daai halima devey haiñ loriyañ
jhulo jhulo ya muhammad jhulna
jhulo jhulo ya muhammad jhulna ×2
Leke aai hain hooreiñ jannat se
jhoolna Pyar se mohabbat se
Allah Allah bahaar jhoole ki
Doriyañ jo hain chaar jhoole ki
Ek namaz, ek zaqaat ki dori
Ek hajj ki hai, ek roze ki
Paanch kalmoñ ka chhatr upar hai
Aur Rahmat ki isme chaadar hai
Isme kunde lage hein imaani
Jhulna ye hai kitna noorani
Jab shafa’at ke isme hein doolha
Kyon na itna haseen ho jhoola
Kyon na itna haseen ho jhoola ×2
Aake Farishte Jhoola jhulaeiñ
Hoor o ghilma waari jayen
Phool daroodoñ ke barsaeiñ
Jhoom ke gayeñ yahi, do jahan
jhulo jhulo ya muhammad jhulna ×3
Laal hein aamina ke jhule me
ya hein jalwe khuda ke jhule me
Hai tabassum laboñ pe rahmat ka
Noor maathe pe hai shafa’at ka
Pusht pe mohar hai nabuwat ki
Paaoñ choome bahaar jannat ki
Chehra Wash-shams Se Munawwar Hai
Zulf wal-lail se mo’attar hai
Noor e haq se jamaal taabinda
Inse Shams o qamar hein sharminda
Band mutthi me haq ki doulat hai
Kya habib e khuda ki azmat hai ×3
Qur’aa.n ki tafseer hai seena
Dil hai noore haq ka nagina
Jhula jhuleñ shaahe madina
Salle ala ye kahe har zuba.n
jhoolo jhoolo ya muhammad jhulna ×3
Haq ne Yaseen aur Taha ka
Ya Muhammad ﷺ tumhen sharaf bakhsha
Tum ko rafqat khuda ne bakhshi hai
Shaan e rahmat khuda ne bakhshi hai
Uncha allah ne maqaam kiya
Ambiya ka tumhen imaam kiya
Jisse ye do jahan huye paida
Wo tumhara hi noor hai aaqa
Tum to sar-taa-pa noor ho aaqa
Isliye jism ka nahin saaya
Tum ho is tarhañ sab rasooloñ me
Jis tarhan ho gulab phooloñ me
Deen ho tum iman ho aaqa
Sar ta pa qur’aan ho aaqa
Tum rab ki pahchan ho aaqa
Tum hi khuda ke ho raazdan
jhoolo jhoolo ya muhammad jhulna ×3
Nayab Bano Rare Qawwali 60s
Related Kalam:
- Baaro Ghee Ke Diye Naa Bhaiyle Aamna Ke Lalna Lyrics
- Fakhr e Zameen Aaya Hai Lyrics
- Hai Chand Raat Kisi Seem Tan Ki Baat Kareñ
- Pahno Pahno Ya Muhammad Daroodon Ke Haar
Rabiul awwal special qawwali lyrics