Ho Karam Ki Nazar Chisht Ke Tajwar Manqabat Ghareeb Nawaz Lyrics
Qawwal : Nusrat Fateh Ali Khan
Khwaja-e Khwajgañ Muinuddin
Fakhr-e Kaun o Makaañ Muinuddin
Murshid-e Rehnuma-e Ahl-e Safa
Haadi-e Ins o Jaañ Muinuddin
Khwaja-e Laa Makaan-e Quds Makaañ
Aasmañ Aastañ Muinuddin
Mazhar-e Jalwagaah-e Noor-e Qidam
Aaftab-e Jahaañ Muinuddin
Qurb-e Haq Ai Niyaaz Gar khwahi
Saaz Vird-e Zubaañ Muinuddin.
Khwaja Ji Maharaja Ji
Tum Bado Ghareeb Nawaz
Apna Kar Ke Raakhiyo
Tohe Baañh Gahe Ki Laaj.
Charagh-e Chisht Shah-e Auliya Garib Nawaz
Bahaar-e Anjuman-e Mustafa Ghareeb Nawaz
Suno Suno Mere Haajat Rawa Ghareeb Nawaz
Maiñ De Raha Huñ Sada Par Sada Ghareeb Nawaz.
Ho Karam Ki Nazar Chisht Ke Taajwar
Ho Karam Ki Nazar Chisht Ke Taajwar
Khwaja-e Khwajgañ Khwaja Hindal Wali.
Ho_ Karam Ki Nazar
Khwaja .. Ho_ Karam Ki Nazar
Yak Nigaahe Gaahe Gaahe Az Tufail-e PanjTan
Ho Karam_ Ki Nazar
Khwaja .. Ho_ Karam Ki Nazar
Churiyañ Pahnaayeeñ Chundariya Udhaayi
Khaasi Dulhaniya Banaayi
Mori churiyoñ ki laaj Khwaja rakhna
Ye To Pahan Layiñ Ab Utrat Na
Tohre Haath Hai Mero Suhaag Khwaja
Main To Jobna Tum Pe Luta Baithi.
Ho! Karam Ki Nazar
Khwaja .. Ho_ Karam Ki Nazar
Bolo ji bolo,
Tumri Kahaa Ke, Maiñ Kit Jaauñ.
Ho Karam Ki Nazar
Khwaja .. Ho_ Karam Ki Nazar
Teri Ek Nigaah Ki Baat Hai
Meri Zindagi Ka Sawaal Hai.
Ho! Karam Ki Nazar
Khwaja .. Ho. Karam Ki Nazar
Hey Bhagwan Suratiya Waale
Mori Baat Banat Tora Kaa Jaawat.
Ho Karam Ki Nazar
Khwaja .. Ho_ Karam Ki Nazar
It Ut Bhatkat Umar Gawaayi
Sukh Ka Deit Na Rasta Dikhayi
Vipda Ki Maari Tore Charnoñ Meiñ Aayi
Ab Taaloge To Naahi Taluñgi.
Ho Karam Ki Nazar
Khwaja .. Ho_ Karam Ki Nazar
Ho Karam Ki Nazar Chisht Ke Taajwar
Khwaja-e Khwajgañ Khwaja Hindal Wali
Sayyid-ul Auliya Naayib-e Mustafa
Qibla-e Aashiqañ Khwaja Hindal Wali.
Sabka Tu Aasra Ham Haiñ Tere Gada
Sabka Tu Aasra Ham Haiñ Tere Gada
Tumri Daya Ki Sun Ke Khabariya
Aan Pari Maiñ Tori Dehariya
Sukh Vasse Ajmer Nagariya
Jis Meiñ Karo Tum Raaj Muinuddiñ.
Sabka Tu Aasra Ham Haiñ Tere Gada
Sab Ko Khairaat De Sadqa-e Mustafa
Ham Khata Hi Khata Tu A’taa Hi A’taa
Ham Kahaañ Tu Kahaañ Khwaja Hindal Wali.
Tu Daleel-e Walaayat Ki Tanveer Hai
Tu Muhammad ﷺ Ke Jalwoñ Ki Tafseer Hai
Tu Khuda Toh Nahi Par Khuda Ki Qasam
Hai Khuda Ka Nishaañ Khwaja Hindal Wali.
Aasra Hai Ghareeboñ Ka Dar Aapka
Sajda Gaah-e Jahañ Sang-e Dar Aapka
Hai Nishaan-e Haram Hai Jabeeñ Ka Bharam
Aap Ka Aastañ Khwaja Hindal Wali.
Ho Karam Ki Nzar Chisht Ke Tajwar
Khwaja-e Khwajgañ Khwaja Hindal Wali..
- Comment में राय दीजिए
- Share कीजिए
Hindi And English lyrics
| Qawwali |
| Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ | Ghous Muhammad Nasir
| Naat-E-Paak|
| Khalid Mahmud ‘Khalid’ | Ajmal Sultanpuri Naat | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan