Bheek Sarkar Se Maangte Hain Lyrics

Bheek Sarkar Se Maangte Haiñ Lyrics | Manqabat Khwaaja Ghareeb Nawaz

Qawwal: Maulvi Ahmad Hasan Akhtar

 

हिन्दी | English

Ilaahi Ta Ba Abad Aastane Yaar Rahe

Ye Aasra Hai Ghareeboñ Ka BarQarar Rahe.

 

Bheek Sarkar Se Maangte Haiñ

 

Bheek Sarkar Se Maangte Haiñ

Hai Tareeqe Talab Aajizaana

Aastaane Ka Sadqa Ata Ho Haq Salamat Rakhe Aastaana

 

Aastaane Ka Sadqa Ata ho.. A’ta Ho..

 

Baad Muddat Ke To Taqdeer Yahañ Laayi Hai

Khali Is Dar Se Palatna Badi Ruswaayi Hai

 

Aastaane Ka Sadqa Ata ho.. A’ta Ho..

 

Ghareeb Humko Khuda Ne Kiya Tumhare Liye

Humare Waaste Tumko Kiya Ghareeb Nawaz

 

Aastaane Ka Sadqa Ata ho.. A’ta Ho..

 

Ghareeb Humko Khuda Ne Kiya Tumhare Liye

Humare Waaste Tumko Kiya Ghareeb Nawaz

Badi Ummeed Se Hazir Hua Hooñ Chaukhat Par

Ke Maiñ Ghareeb Hooñ, Khwaja Ka Dar Ghareeb Nawaz

 

Aastaane Ka Sadqa Ata ho.. A’ta Ho..

 

Ye Kah Raha Hai Muqaddar Mera Mere Khwaja

Bigad Gaya Hooñ Bana Lo Mujhe Ghareeb Nawaz

 

Aastaane Ka Sadqa Ata ho.. A’ta Ho..

 

Mai Gir Raha Hooñ Sambhalo Mujhe Ghareeb Nawaz

Badha Ke Haath Uthaa Lo Mujhe Ghareeb Nawaz

Ghareeb Jaan Ke Har Ik Ne Mujhko Taal Diya

Tum Apne Dar Se Na Taalo Mujhe Ghareeb Nawaz. Khwaaja,

 

Aastaane Ka Sadqa Ata ho.. A’ta Ho..

 

Mujhe Kuchh Nahiñ, Mujhko Teri Sharam Hai

Tumhi Soch Lo Kya Kahega Zamana

Sakhi Dar Se Khali Jo Maiñ Laut Jaauñ

To Badnam Hoga Tera Aastaana..

 

Main Khud SochTa Hooñ Bhala Kya Maiñ Maañguñ

Samundar Se Maañguñ Maiñ Shabnam Ka Qatra..

 

Mujhe Sharm Aati Hai Khud Maañgte Ko

Kahañ Meri Jholi, Kahañ Ye Khazana

Meri Bekasi Par Zara Rahm Khana

Na Do Kuchh Bhi Lekin Na Dar Se Hataana

 

Muqaddar Badal Ne Ko Hum Bekasoñ Ke

Salamat Rahe Bas Tera Aastaana

 

Aastaane Ka Sadqa Ata ho.. A’ta Ho..

 

Tera Naam e Paak Mueenuddeen

Tu Rasool e Paak Ki Aal Hai

Teri Shaan Khwaja e Khwajgañ

Tujhe Bekasoñ Ka Khayal Hai

 

Maiñ Gada e Khwaja e Chisht Hooñ..

 

Koi Kisi Ka, Koi Kisi Ka

Maiñ Gada e Khwaja e Chisht Hooñ

Mujhe Is Gadayi Pe Naaz Hai

Mujhe Naaz Khwaja Pe Kyuñ Na Ho

Mera Khwaja Banda Nawaz Hai

 

Mera Bigda BaKht Sañwar De

Mare Khwaja Mujhko Nawaz Le

Teri IK Nazar Ki Ye Baat Hai

Meri Zindagi Ka Sawaal Hai

 

Aastaane Ka Sadqa Ata ho.. A’ta Ho..

 

Na Wo BütKade Ke Qabil

Na Haram Ke Kaam Ke Haiñ

Jo BaDe Hue Haiñ Sajde

Tere Sang e Aastaañ Se

 

Har Kas Waseela Daarad o Ma BeWaseela ei

Mara Waseela Neist BaJuz Aastane Tou

 

Aastaane Ka Sadqa Ata ho.. A’ta Ho..

 

Sakhi Aur Bhi Haiñ Lekin Ye Jahaan Chhaan Maara

Hua Mañgtoñ Ka Aakhir Tere Dar Pe Hi Guzara

 

Aastaane Ka Sadqa Ata ho.. Ata Ho..

 

Charagh e Chisht, Shahe Auliya Ghareeb Nawaz

Mere Huzur Mere Peshwa Ghareeb Nawaz

 

Aastaane Ka Sadqa Ata ho.. Ata Ho..

 

Laga ke aaya Hooñ Maiñ Aas Ya Ghareeb Nawaz

Bharega Kaun Ye Daaman Mera Ghareeb Nawaz

 

Aastaane Ka Sadqa Ata ho.. Ata Ho..

 

Ye Deewano Ke Sajde Sang e Dar Par Rang Laaye Haiñ

Ke Ban Kar Rah Gaya Hai Ek Tasweer e Junooñ Wo Bhi

 

Aaj Ghabra Ke Deewane Kahne Lage

Chhod Kar Tera Daaman Kidhar Jaayeñge

Mere Khwaja Piya Mujhko Chhoda Gaya

Teri Chaukhat Se Takra Ke Mar Jayeñge

 

Aastaane Ka Sadqa Ata ho.. Ata Ho..

 

Ab Kiske Dar Par Jaayeñ Hum

Kisko Sunayeñ Haal e Gham

Barsoñ Se Karte Aaye Haiñ

Hum Tere Dar Ki Chaakri

 

Aastaane Ka Sadqa Ata ho.. Ata Ho..

 

Hasrat Hai Ye Aayinda Agar De Na

To Ab Kuchh De

Maañguñ Na.. Mai Maañguñ Na.. Maañguñ Na…

 

Saayil To Hazaroñ Haiñ, Hazaroñ Meiñ Mai Yakta Hooñ

 

Maañguñ Na Dubara,

Itna Tu Mujhe Dede.

Khwaahish Na Ho Phir Lene Ki

Itna Tu Mujhe Dede.

 

Kab Tak Mai Kahe Jaauñ

Dede Tu Mujhe Dede.

Ae Dast e Talab Dena Hai To

Jaldi Se Mujhe Dede.

 

Aastaane Ka Sadqa Ataa Ho.. Ata Ho..

 

Hasrat Hai Ye Aayinda Gar De Na

To Ab Kuchh De.

Asbaab e Khala Dekar

Saaman e Talab Kuchh De.

Uqba Ka Nahi Wada

Dena Hai To Ab Kuchh De

 

Aastane Ka Sadqa Ataa Ho.. Ata Ho..

 

Aaye Tere Huzur Meiñ Rahmat Ki Bheek Maañgne

Rahmat Ki Bheek Maañgne

Rahmat Ki Bheek Maañgne…

 

Aaye Tere Huzur Meiñ Rahmat Ki Bheek Maañgne

Toote Diloñ Ka Aasra Tere Siwa Koi Nahiñ

 

Aastaane Ka Sadqa Ataa Ho.. Ata Ho..

 

Rahe Aastañ Salamat, Rahe BarQarar Shaahi

Ke Tumhare Naaz Par Hai, Ye Hamaari Kajkulahi

 

Parwar Digaar o Shaafa-e Mahshar Ka Waasta

Usman JaañNasheen e Payambar Ka Waasta

Mushkil Kush o Fatahe Khaibar Ka Waasta

Akbar ki Jaañ Nawaz Azaanoñ ka Waasta

Abbaas Ke Kate Hue Shaanoñ Ka Waasta

Kulsum Ke Khule Hue Baaloñ Ka Waasta

 

Kulsum Ke Khule Hue Baaloñ Ka Waasta

Shabbir Ke Jale Hue Khaime Ka Waasta

 

Aastaane Ka Sadqa Ataa Ho.. Ata Ho..

 

Saahib Sakhi Haiñ, Khud Bhi Sakhi

Haiñ Pisar Sakhi

Wallah! Fatima Ka Hai Sab Ghar Ka Ghar Sakhi

Aastaane Ka Sadqa Ataa Ho.. A’ta Ho..

 

Jab Tum Na Sunoge To Meri Kaun Sunega

Jab Tum Na Karoge To Karam Kaun Karega

 

Aastaane Ka Sadqa Ataa Ho.. Ata Ho..

 

Sunte Haiñ Tere Dar Pe BadalTi Haiñ Qismateñ

Aaye Haiñ Hum Bhi Apna Muqaddar Liye Hue

 

Aastaane Ka Sadqa Ataa Ho.. Ata Ho..

 

Dar Dar Kharaab o Khasta Phira Leke iltija

Lekin Chala Na Manzil e Maqsood Ka Pata

Aakhir Tere Karam Ne Pukara Idhar To Aa

Hazir Hua Udhar Maiñ Ye Deta Hua Sada, Khwaja

 

Aastaane Ka Sadqa Ataa Ho.. Ata Ho..

 

Nigaah e Lutf Se Qismat Sanwaar Do Meri

Ye Bigdi Aur Kisi Ke Nahiñ Banane Ki.

 

Aastaane Ka Sadqa Ataa Ho.. Ata Ho..

 

Dede Kuchh Aaj Sakhi, Ganj e Shakar Ka Sadqa

Khali Is Dar Se Palatna Badi Ruswaayi Hai

Khada Hooñ Rauza e Aqdas Ki Jaaliyañ Pakde

Na Ab Dua Ki Zarurat Hai, Na Sawaloñ Ki

 

Aastane Ka Sadqa Ataa Ho.. A’ta Ho..

 

Ya Aaj Sar Nahiñ, Ya Aastaane Yaar Nahi

 

Aastaane Ka Sadqa Ataa Ho.. Ata Ho..

 

Karam Kar Do, Karam Kar Do Sakhi Khwaja Muinuddin

Anaayat Ki Nazar Kar Do Sakhi Khwaja Muinuddin.

 

Aastaane Ka Sadqa Ataa Ho.. Ata Ho..

 

Tu Sakhi Ibn e Sakhi Ae Khwaja e Ajmer Hai

Phir Tere Darbaar Meiñ Mere Liye Kya Der Hai.

 

Aastane Ka Sadqa Ataa Ho.. A’ta Ho..

 

Tere Sadqe Teri Khairaat Ke Waari Jaauñ

Tere Sadqe, Sadqe, Sadqe..

Tere Sadqe, Sadqe, Sadqe..

 

Tere Sadqe Teri Khairaat Ke Waari Jaauñ

Jholi Har Ek Ki Be Maañge Bhari Dekhi Hai

 

Aastane Ka Sadka Ata Ho.. A’ta Ho..

 

Tu Wo Mumba e A’taa Hai

Ke Pukaar Utha Zamana

Wo Karam Nawaaziyañ Keeñ

Ke Karam Ka Kya Thikana

 

Aastaane Ka Sadqa Ataa Ho.. Ata Ho..

 

Aaj Ajmer Wale Khwaja Hindal Wali

KamliWaale Ka Sadqa Diye Ja Rahe Haiñ

KamliWaale Ka Sadqa Diye Ja Rahe Haiñ..

 

Khwaja Usman Ka Hai Ye Lutf o Karam

Ke Ghareeboñ Ke Daaman Bhare Ja Rahe Haiñ..

 

Aap Ke Dar Ki Mujhko Gadaaee Mili

Khwaja Tum Jo Mile, BaadShaahi Mili

Naayab e Mustufa Aap Ki Shaan Hai

Dono Aalam Ka Sadqa Diye Ja Rahe Haiñ

 

Aastaane Ka Sadqa Ataa Ho.. Ata Ho..

 

Bheek Sarkar Se Maañgte Haiñ

Hai Tareeqe Talab Aajizaana,

Aastaane Ka Sadqa Ataa Ho

Haq Salamat Rakhe Aastaana

 

BeNiyaaz e Talab Aaj Kar Do

Jholiyañ Hum Gadaaoñ Ki Bhar Do

Dar Se Khali Agar Phir Gaye hum

Kya Kahega Bhala Phir Zamaana

 

Maiñ Hooñ Anwar Meri Laaj Rakhiye

Mai Hooñ Khota Mujhe Na Parakhiye

Sadqa Aal e Muhammad ﷺ Ka Mujh Par

Ho Karam Ki Nazar Jaawidaana

 

Bheek Sarkar Se Maañgte Haiñ

Hai Tareeq-e Talab Aajizaana

Aastaane Ka Sadqa Ataa Ho

Haq Salamat Rakhe Aastaana

 

Aastaane Ka Sadqa Ataa Ho o..

 

  • Comment में राय दीजिए
  • Share कीजिए

Hindi And English lyrics

Qawwali |

Sabri Brothers | Nusrat Fateh Ali Khan | Rahat Fateh Ali Khan | Iqbal Afzal Sabri | Aziz Miyañ |Nazir Ejaz Faridi |  Ghous Muhammad Nasir | Maulvi Ahmad Hasan |

 

Naat-E-Paak|

Khalid Mahmud ‘Khalid’ Ajmal Sultanpuri Naat  | Ala Hazrat Naat | Akhtar Raza Khan| Raaz Ilaahabadi | Muhammad Ilyas Attari | Sayyad Nazmi Miyan

Leave a Comment

Your email address will not be published. Required fields are marked *