Aa Gaye Mustafa Padho Salle Ala Qawwali Lyrics

Aa Gaye Mustafa Padho Salle Ala (Wiladat e RasoolAllah)

Qawwal: Ustad Rahat Fateh Ali Khan

हिन्दी लिरिक्स


Jashne Eid e Meelad e Nabi Mustafa

Rahmatoñ Ka Hai Lekar Payaam Aa Gaya

Uspe Mere Khuda Ka Karam Ho Gaya

Jiske Lab Pe Muhammad Ka Naam Aa Gaya

 

Wilaadat e Rasoolullah

Wilaadat e HabeebAllah

Wilaadat e NabiAllah

Marhaba! Marhaba! Aa Gaye Haiñ NoorAllah

 

Wilaadat e RasoolAllah

Wilaadat e HabeebAllah

Wiladat e Nabi Allah

Aa Gaye Mustafa

 

Padho Salle Alaa Sayyadi Marhaba! Marhaba!

 

Aamna Ji Ke Ghar Meiñ Ujala Hua

Aaj Paida Mera Kamli Wala Hua

Ahmad e Mujtaba Ki Wilaadat Hui

Aaj Khairul Wara Ki Wilaadat Hui

 

Padho Salle-Alaa Sayyadi Marhaba Marhaba!

 

Wiladat e RasoolAllah

Wiladat e HabeebAllah

Wiladat e Nabi Allah

Marhaba! Marhaba! Aa Gaye Haiñ NoorAllah

 

Har Taraf Noori Noori Fiza Ho Gayi

Mahki Mahki Moa’ttar Hawa Ho Gayi

Büt Gire Aur AatishKada Bujh Gaya

Aa Gaye, Aa Gaye Wo Habeeb-e Khuda

 

Padho Salle-Alaa Sayyadi Marhaba Marhaba

 

Raushni Deen e Fitrat Ki Laayi Gayi

Raah Insaañ Ko Seedhi Dikhayi Gayi

Ab Jahan Se Butoñ Ki Khudaayi Gayi

Har Kisi Ko Khabar Ye Sunayi Gayi

 

Padho Salle-Alaa Sayyadi Marhaba Marhaba

 

Nek Bandoñ Meiñ Jaah o Hasham Baantne

GulKadoñ Me Bahaar e Iram Baañtne

Hum Se Mañgtoñ Meiñ Lutf o Karam Baañtne

Aaye Apne Paraaye Ka Gham Baañtne

 

Padho Salle-Alaa Sayyadi Marhaba Marhaba

 

Tha Zamaane Meñ Chhaaya Kufar Chaar Su

Bazm e Duniyañ Me Thi Na Koi Rang o Bu

Aap Ke Aane Se Raunaqeñ Aa Gayiñ

Har Taraf Rahmateñ Barkateñ Chha Gayiñ

 

Padho Salle-Alaa Sayyadi Marhaba Marhaba

 

Aap Ke Noor Se Hai Munawwar Jahañ

Haiñ Darakhshaañ Sitare, Rawaañ Kahkashaañ

Do Jahañ Aaj Haiñ Jagmagaye Hue

Mere Aaqa Haiñ Tashreef Laaye Hue

 

Padho Salle Alaa Sayyadi Marhaba Marhaba

 

Mustafa Jaan e Rahmat Nabi Aa Gaye

Sab Ki Karne Shafa’at Nabi Aa Gaye

Aaj Jashn e Charaghañ Manaao Sabhi

Dono Aalam Ki Zeenat Nabi Aa Gaye

 

Padho Salle Alaa Sayyadi Marhaba Marhaba

 

Jagmagane Lage, Ye Jahañ, Wo Jahañ

Unke Aane Se Chamke Zameeñ Aasmaañ

Ghuncha Ghuncha Bana Gulfashañ Gulfashañ

Har Taraf Rahmateñ bekaraañ bekaraañ

 

Padho Salle Alaa Sayyadi Marhaba Marhaba

 

Laaye Tashreef Sultan e Kaun o Makaañ

Tajdar e Haram, Sayyad e Mursalaañ

Raah e Haq Meñ Nahane Lage Do Jahañ

Bole Jibraeel Kaabe Se Dekar Azaañ

 

Padho Salle Alaa Sayyadi Marhaba Marhaba

 

Dono Aalam Pe Karne Ko Chashm e Karam

Aa Gaye Mustafa Taajdaar e Haram

Kamli Wale Nabi Sayyad e Mohtaram

Aaye Aaqa Ghareeboñ Ka Rakhne Bharam

 

Padho Salle Alaa Sayyadi Marhaba Marhaba

 

Wilaadat e RasoolAllah

Wilaadat e HabeebAllah

Wilaadat e NabiAllah

Aa gaye Mustafa

 

Padho Salle Alaa Sayyadi Marhaba Marhaba


Our Pages


Naat-E-Paak    

Manqabat Imam Hussain

More Rabiul Awwal Se Mutalliq Kalam

Manqabat Ghaus e Azam

Manqabat Ghareeb Nawaaz

   Qawwali         

Shayar

Naat Khwan:

     

Leave a Comment

Your email address will not be published. Required fields are marked *