سلام ۔ یا نبی سلام علیک یا رسول سلام علیک

lyrics یا نبی سلام علیک یا رسول سلام علیک

سلامِ شهنشاهِ مدينه و دونو عالم

کلام کے ساتھ شعراء کے نام بھی دئیے گئے ہیں

جناب اکبر شاہ وارثی 1852-1953

یــا نبــی ســـلام علیـــکَ یــا رسول ســلام علیــکَ
یــا حــبیب ســـلام عـلیـــــکَ صــلــوٰۃ اللہ علیــکَ

English Meiñ Ya Nabi Salam Alaika Padhiye

हिन्दी में या नबी सलाम अलैका पढ़िए

فخرِ آدم فخرِ حوّا، فخرِ نوح و فخرِ یحییٰ
فخرِ ابراہیم و موسیٰ، فخرِ اسمٰعیل و عیسیٰ

رحمتوں کے تاج والے، دو جہاں کے راج والے
عرش کی معراج والے، عاصیوں کی لاج والے

ہے یہ حسرت در پہ آئیں، اشک کے دریا بہائیں
داغ سینے کے دکھائیں، سامنے ہو کر سنائیں

پوری یا رب یہ دعا کر، ہم درِ مولیٰ پہ جاکر
پہلے کچھ نعتیں سنا کر، یوں پڑھیں سر کو جھکا کر

یــا نبــی ســـلام علیـــک یــا رسول ســلام علیــک
یــا حــبیب ســـلام عـلیـــــکَ صــلــوٰۃ اللہ علیــک

بخش دو جو چیز چاہو کیونکہ محبوبِ خدا ہو
اب تو بابِ جود وا ہو، ہاں جواب اس کا عطا ہو

یــا نبــی ســـلام علیـــک یــا رسول ســلام علیــک
یــا حــبیب ســـلام عـلیـــــک صــلــوٰۃ اللہ علیــک

رنج و غم کھائے ہوئے ہیں، دور سے آئے ہوئے ہیں
تم پہ اترائے ہوئے ہیں، ہاتھ پھیلائے ہوئے ہیں

جان کر کافی سہارا، لےلیا ہے در تمہارا
خلق کے وارث خدارا، لو سلام اب تو ہمارا

ہاں یہ پورا مُدّعا ہو، ہم ہوں دربارِ خدا
تم ادھر جلوہ نما ہو، اس طرف سے یہ صدا ہو

اکبرِ شیدا تمہارا، پھر رہا ہے مارا مارا
جا بجا تم کو پکارا، سن لو اب اس کی خدارا

عاشقِ مائل کی سن لو، بانئِ محفل کی سن لو
سامعیں کے دل کی سن لو، اکبرِ بسمل کی سن لو

یــا نبــی ســـلام علیـــکَ یــا رسول ســلام علیــکَ
یــا حــبیب ســـلام علیـــکَ صــلــوٰۃ اللہ عـلیـــــکََ

آپ شاہِ اِنس و جاں ہیں، وارثِ کون ومکاں ہیں
رہنمائے دو جہاں ہیں، پیشوائے مُرسلاں ہیں

یــا نبــی ســـلام علیـــکَ یــا رسول ســلام علیــکَ
یــا حــبیب ســـلام علیـــکَ صــلــوٰۃ اللہ عـلیـــــکَ

نورِ ربّ العالمیں ہو، جلوۂِ حقُّ الیقیں ہو
سرورِ دنیا و دیں ہو، دل میں آنکھوں میں مکیں ہو

بادشاهِ انبیاء هو، نورِ ذاتِ كبریا هو
حامئِ روزِ جزا هو، خلق كے مشكل كشا هو

عرشِ اعظم پر تمہیں ہو، خلق کے رہبر تمہیں ہو
ساقئِ کوثر تمہیں ہو، شافعِ محشر تمہیں ہو

یــا نبــی ســـلام علیـــک یــا رسول ســلام علیــک
یــا حــبیب ســـلام علیـــک صــلــوٰۃ اللہ عـلیـــــک

قابلِ مدح و ثنا ہو، جو لکھوں اس سے سوا ہو
آپ کی توصیف کیا ہو، یعنی محبوبِ خدا ہو

دور ہے غم کا کنارا، سرورِ عالم خدارا
دیجئے جلدی سہارا، پار ہو بیڑا ہمارا

میرے مولا میرے سرور ہے یہی ارمانِ اکبر
پہلے قدموں پر رکھے سر، پھر کہے یہ سر اٹھا کر

یــا نبــی ســـلام علیـــکَ یــا رسول ســلام علیــکَ
یــا حــبیب ســـلام علیـــکَ صــلــوٰۃ اللہ عـلیـــــکَ
———–

2.

جناب مفتی احمد یار خان نعیمی 1904 – 1971

آج وہ تشریف لایا جس نے روتوں کو ہنسایا
جس نے جلتوں کو بجھایا، جس نے بگڑوں کو بنایا

یــا نبــی ســـلام علیـــک یــا رسول ســلام علیــک
یــا حــبیب ســـلام عـلیـــــک صــلــوٰۃ اللہ علیــک

عرشِ اعظم کا ستارا، فرش والوں کا سہارا
آمنہ بی کا دُلارا، حق تعالٰی کا پیارا

دو جہاں کا راج والا، تخت والا تاج والا
بے کسوں کی لاج والا، ساری دنیا کا اُجالا

تم بہارے باغِ عالم، تم نویدِ ابنِ مریم
تم پہ قرباں سارا عالم، آدم و اولادِ آدم

تم بِنائے دوسرا ہو، کعبہ والے کی دعا ہو
تم ہی سب کے مدعٰی ہو، جاں نہ کیوں تم پر فدا ہو

آپ ہیں وحدت کے مظہر، آپ ہیں کثرت کے مصدر
آپ اوّل آپ آخر، قبلۂِ دل آپ کا در

یــا نبــی ســـلام علیـــک یــا رسول ســلام علیــک
یــا حــبیب ســـلام عـلیـــــک صــلــوٰۃ اللہ علیــک

آپ کے ہو کر جئیں ہم، نامِ نامی پر مریں ہم
جب قیامت میں اٹھیں ہم، عرض اس طرح کریں ہم

عرض ہے سالِک کی آقا، جاں کنی کا ہو یہ نقشہ
سامنے هو پاک روزہ اور لبوں پر ہو یہ کلمہ

3.
شاعر : معراج قدیر وارثی

آپ کی ذاتِ مکرم باعثِ تخلیقِ عالم
آپ پر اے فخرِ آدم ہو سلامِ پاک پیہم

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

صبح صادق کا وہ منظر اور وہ میلادِ پیمبرؐ
بلبلِ سدرہ کے لب پر تھا یہ نغمہ روح پرور

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

رخ بہارِ صبح قدرت زلف شب گوں شامِ جنت
دل سراسر رازِ وحدت آئینہ دارِ حقیقت

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

اول و آخر تمہیں ہو باطن و ظاہر تمہیں ہو
حاضر و ناظر تمہیں ہو دین کے ناصر تمہیں ہو

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

بارشِ لطف و کرم ہے خندہ زن ہر اہل غم ہے
آمدِ شاہ امم ہے اب جو کچھ مل جائے کم ہے

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

ہر طرف جلوے نمایاں ہر طرف شمعیں فروزاں
عرش سے تابزمِ امکاں ہے چراغاں ہی چراغاں

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

سلسبیل و حوضِ کوثر خلد کا ہر اک گلِ تر
عرش و کرسی ماہ و اختر سب کے سب تم پر نچھاور

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

ہر سحر خورشیدِ خاور اور ہر شب ماہ و اختر
سوئے روضہ سر جھکا کر عرض کرتے ہیں برابر

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

کاش جاگ اٹھے مقدر کاش ہو وہ دن میسر
سر جھکا کر آستاں پر یوں کہوں با دیدۂِ تر

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

با خلوص و با عقیدت سب ہیں حاضر پیشِ خدمت
ہو قبول اے شاہ امت ہدیۂِ اہلِ محبت

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

اب تو رحمت کی نظر ہو اب تو قسمت کو بنا دو
اپنے معراجِؔ حزیں کو اب تو روضے پر بلا لو

یا نبی سلام علیک یا رسول سلام علیک
یا حبیب سلام علیک صلوۃ اللہ علیک

4.

جناب مولانا جمیل الرحمٰن قادری

اُٹھو آیا تاج والا عرش کی آنکھوں کا تارا
سب کہو اے ماہ طیبہ صلوٰۃ اللہ علیکَ

یــا نبــی ســـلام علیـــک یــا رسول ســلام علیــکَ
یــا حــبیب ســـلام عـلیـــــکَ صــلــوٰۃ اللہ علیــکَ

آمنہ بی بی کا جایا بارہویں تاریخ آیا
صبح صادق نے سنایا صَلَوٰۃُ اللہ علیکَ

السلام اے جان عالم اسلام ایمان عالم
شاہِ دیں سلطان عالم صلوٰۃ اللہ علیکَ

خاتمِ دورِ رسالت اخترِ برج ہدایت
فاتحِ بابِ شفاعت صلوٰۃ اللہ علیکَ

السلام اے شاہِ عالی السلام امت کے والی
عرض کرتے ہیں سوالی صلوٰۃ اللہ علیکَ

نوح کے تم ناخدا ہو خلق کے مشکل کشا ہو
سب کے تم حاجت روا ہو صلوٰۃ اللہ علیکَ

بخش دو میری خطائیں دور ہوں غم کی گھٹائیں
بھیج دو اپنی عطائیں صلوٰۃ اللہ علیکَ

ہو پھنسا اَفکارِ غم میں گھر گیا رنج و الم میں
دیر کیا اب ہے کرم میں صلوٰۃ اللہ علیکَ

کفر کو تم نے مٹایا خاک میں اس کو ملا یا
دین کا ڈنکا بجایا صلوٰۃ اللہ علیکَ

اب تو طیبہ میں بلا لو حسرتیں دل کی نکالو
اپنے بد کو بھی نبھا لوں صلوٰۃ اللہ علیکَ

دل میں رنگ اپنا جما دو پردۂِ غفلت اٹھا دو
بختِ خوابیدہ جگا دو صلوٰۃ اللہ علیکَ

جان نکلے اس طرح پر آپ کا در ہو مرا سر
سامنے ہو قبرِ انور صلوٰۃ اللہ علیکَ

جانکنی کے وقت آنا کلمۂِ طیب پڑھانا
چہرۂِ انور دکھانا صلوٰۃ اللہ علیکَ

اے شفیعِ روز محشر ہیں سیہ عصیاں سے دفتر
غوث کا صدقہ کرم کر صلوٰۃ اللہ علیکَ

کچھ نہ کی ہم نے کمائی عمر سب یوں ہی گنوائی
اے عرب والے دوہائی صلوٰۃ اللہ علیکَ

حشر میں تم بخشوانا اپنے دامن میں چھپانا
ہر مصیبت سے بچانا صلوٰۃ اللہ علیکَ

اے شہنشاہِ رسالت ہیں یہاں جو اہلسنت
تا ابد سب پر ہو رحمت صلوٰۃ اللہ علیکَ

دین کا ہو بول بالا سنیو کا رخ اجالا
دشمنوں کا منہ ہو کالا صلوٰۃ اللہ علیکَ

بانیِ محفل کی آقا التجاء مقبول فرما
پوری ہو ہر اک تمنا صلوٰۃ اللہ علیکَ

اس جمیلِ قادری پر ہو کرم محبوبِ داور
چشم و دل کردو منور صلوٰۃ اللہ علیکَ

5.

جناب برہان الحق جبل پوری 1892ء – 1985ء

السّلام اے نورِ رحمت، اسّلام اے شانِ رفعت
السّلام اے جانِ ملت، السّلام ایمانِ امت

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

جبرئیل آئے ہیں در پر، رب کا کچھ پیغام لے کر
آئے ہیں محبوبِ داور، حق کا اب مہمان بن کر

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

خواب شہ فرما رہے ہیں، اور ملائک آرہے ہیں
تلوے وہ سہلا رہے ہیں، اور کہتے جا رہے ہیں

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

برق تھا بُرّاق کیا تھا، اک قدم اقصیٰ میں پہنچا
ہر نبی تھا دست بستہ اور زباں پر تھا یہ نعرہ

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

مالکِ ملکِ شفاعت، سیدِ یوم قیامت
نیّرِ برجِ سعادت، گوہر درجِ سیادت

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

رحمتوں کا تاج ان کا، دو جہاں پہ راج ان کا
ساج تھا معراج ان کا، ربِِّ سلّم باج ان کا

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

مظہرِ اول و آخر، رحمتِ باطن و ظاہر
پیش و پس نگران و ناظر، ہم سلامی کو ہیں حاضر

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

بندۂِ بےدام برہاں، تھام کر مرشد کا داماں
شرم سے نالاں و گریاں، اپنی بخشش کا ہے خواہاں

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

اپنے گرتوں کو سنبھالو، نفس و شیطاں سے چھڑا لو
اپنا ہی بندہ بنا لو، نارِ دوزخ سے بچا لو

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

کفر کے پہلے تھے پھیرے، شرق تھا عالم کو گھیرے
پھیلے جب انوار تیرے، مٹ گئے سارے اندھیرے

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

آپ سے سارا جہاں ہے، آپ کا کون و مکاں ہیں
جو عیاں ہے اور نہا ہے، ان کی رحمت کا نشاں ہے

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

داورِ محشر کے آگے، پردہ میرا کُھل نہ جائے
اپنے دامن میں چھپا لے، میں تیری رحمت کے صدقے

یا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک

مخزنِ جود و سخاوت منبعِ رشد و ہدایت
مرجعِ صدق و عدالت، مالکِ شرع و سیادت

علیــکَیا نبی سلام علیک یا رسول سلام علیک
یا حبیب سلام علیک کا صلوٰۃ اللہ علیک